LUKAS 19:42 - Sura' Madatu

⁴² Nakua: Iakemmu la unnissanni tu apa la ma’din umpadenangko kamarampasan, moi na iate allo iate! Apa totemo te mintu’nato nasala matammu.

LUKAS 19:42 Referans Kwoze

PA’TOLE 32:29

Iake kinaai la untandai te iannate, sia la umpalan penaai tu apa la rampo ma’katampakanna.

IBRANI 3:15

Diona tu kada mangka disura’ kumua: Iate allo, ke mirangii tu gamaranNa, da mipabattukki tu penaammi susi tommi pasaki-arasan,

YESAYA 48:18

Iakemmu la umperangii tu mintu’ pepasanKu, manassa iatu kamarampasammu susito salu sia iatu kamaloloammu butung to bombang tasik;

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

YESAYA 55:6

Daka’i tu PUANG, su’ding ma’din siaPi diappa’; massambayangkomi metamba lako, su’ding mandappi’ siaPi.

IBRANI 3:13

sangadinna pada sipakilala-lalakomi kiallo-kiallo su’ding nasa’bu’pi tau tu allo iate, da miden misa’ battuk penaa natumang tangnga’na kasalan.

LUKAS 19:44

sia napemparrakangko rokko padang nasilullu’iko sola mintu’ anakmu lan lili’mu sia tae’mo batu la mettodo’ dao batu natampeangko lan lili’mu, belanna tae’ mupalan ara’i tu attunna kasaeanna pa’kamaseanNa Puang Matua lako kalemu.

PENGGAURANNA RASULU’ 13:46

Apa batta’ tu Paulus sola Barnabas ma’kada nakua: Sipatu kamu la dolo dipokadan tu kadanNa Puang Matua, apa belanna mitumpu sia misanga tang sipatu katuoan sae lakona tu kalemi, angki lu lako kami to kapere’.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

YESAYA 44:18

Tae’ kapaissananna sia tangnga’na, belanna sikeppe’ tu matanna, naurunganni tang pakita; sia situtu’ tu mata penaanna, naurunganni tang paissan.

IBRANI 3:7

Iamoto susitu kadanNa Penaa Masallo’: Iate allo, ke mirangii tu gamaranNa,

PA’PUDIAN 81:13

Iamoto angKu popa’elo’nai lan katoroge’geranna; naurungan unturu’ bang lalan tangnga’na.

PA’PUDIAN 32:6

Iamoto mintu’ to mengkaola la massambayang lako Kalemi su’ding dilambi’pi tu pa’kamaseamMi; moi anna tu’ba’ tu uai saba’, manassa tang la nalambi’ tu tau iato mai.

PA’TOLE 5:29

Melo ke tontong siai dio lu tau iato mai tu penaa susito tu la ungkataku’Na’ sia la ungkaritutui tu mintu’ pepasanKu, kumua anna malaga’-laga’ sola tu mai anakna tontong sae lakona!

YEREMIA 13:17

Iake manokapokomi umperangiite, manassa la tumangi’ tu penaangku dio lu inan kabunianna diona kamatampoan, sia la si’dan-si’danna’ tumangi’, sia sitanutuan tu uai matangku, belanna dipali’mo tu pangkambi’Na PUANG.

LUKAS 19:41

Pakalan tonna mandappi’mo Natiromi tu tondok iato, Natangi’imi,

LUKAS 19:43

Belanna la sae tu allo kamatilakammu sia la natambakukuko mintu’ ualimmu sia natalimbung tamako, sia nasikemunni tikuko sae,