LUKAS 19:41 - Sura' Madatu

⁴¹ Pakalan tonna mandappi’mo Natiromi tu tondok iato, Natangi’imi,

LUKAS 19:41 Referans Kwoze

YOHANES 11:35

Tumangi’mi tu Yesu.

YEREMIA 17:16

Apa tae’ kumalaku-laku lako Kalemi kumua nasae tu kamandasan, sia tae’ duka kukamorai tu allo kamandasan: Kamu unnissanni. Iatu apa sun dio pudukku, ombo’ dio oloMi.

PA’PUDIAN 119:158

Magi’gi’na’ untiroi tu mai to balik, belanna tae’ natoe manda’i tu kadamMi.

PA’PUDIAN 119:136

Iatu uai matangku lolong susi uai salossok, belanna tae’ tau umpengkaolai sukaran alukMi.

YEREMIA 13:17

Iake manokapokomi umperangiite, manassa la tumangi’ tu penaangku dio lu inan kabunianna diona kamatampoan, sia la si’dan-si’danna’ tumangi’, sia sitanutuan tu uai matangku, belanna dipali’mo tu pangkambi’Na PUANG.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

PA’PUDIAN 119:53

Nakendekkina’ palla napobua’ tu mai to tang mekaaluk tu umboko’imo sukaran alukMi.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

2 DATU 8:11

Kanunu-nunu bangmi tu taunNa Puang Matua sia ma’pakappa bang, anna pomasiri’i tau; ta’kala si’dan-si’danmi tumangi’.

YESAYA 22:4

Iamoto angku ma’kada kukua: Da mitirona’, da’ito angku unnade-ade tumangi’; da miparukuna’ mipakatana diona tu kasangganganna anak dara bangsaku.

YESAYA 28:21

Belanna la ke’de’ tu PUANG, susi tonna dao buntu Perasim sia kedo susi tonna dio lombok Gibeon, la ungkarang pengkaranganNa – iatu pengkaranganNa la memangngan; la umpogau’ penggauranNa – na iatu penggauranNa la makalaen-laen.

LUKAS 19:42

Nakua: Iakemmu la unnissanni tu apa la ma’din umpadenangko kamarampasan, moi na iate allo iate! Apa totemo te mintu’nato nasala matammu.