LUKAS 19:37 - Sura' Madatu

³⁷ Iatonna rampomo lako aa’ buntu Zaitun, randukmi parannu-rannu penaanna tu mintu’ anak gurunNa sia unnarak-arrak umpudi-pudi Puang Matua, belanna mintu’ kamatotoran mangka natiro,

LUKAS 19:37 Referans Kwoze

MATIUS 21:1

Iatonna mandappi’mo lako Yerusalem tonna rampomo lako Betfage, dio buntu Zaitun, Nasuami Yesu tu anak gurunNa da’dua,

LUKAS 19:20

Sae pole’omi tu senga’na nakua: O puang, indemo tu minami, tu kuanna diong pantarekan;

LUKAS 18:43

Ta’pa pakita bang siami naundi urrundu’ Yesu umpakaraya Puang Matua. Iatonna tiromi mintu’ tau tu iannato, umpudi-pudi dukami Puang Matua sola nasang.

LUKAS 7:16

Iatu tau mintu’, saemi kamatakuranna, naumpakaraya Puang Matua, nakua: Misa’ nabi kapua bendanmo lan tondokta, sia Natontongimo Puang Matua tu to Napilei.

MARKUS 14:26

Iatonna mangkamo umpopenani pa’pudian, sunmi sola nasangi ma’palulako buntu Zaitun.

MARKUS 13:3

Tonna unno’ko’ tu Yesu dao buntu Zaitun sitingoan tu Banua Kabusungan, mekutana misami tu Petrus na Yakobus na Yohanes na Andreas lako, nakua:

2 OSSORANNA DATU 29:36

Parannu-rannumi tu Hizkia sia mintu’ to buda tu diona apa mangka Naparandan Puang Matua lako taunNa, belanna madoi’ lalo te apa iate.

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.

LUKAS 19:29

Iatonna reke’mi tu Betfage sia Betania dio buntu disanga Zaitun, Nasuami tu anak gurunNa da’dua,

LUKAS 19:36

Tonna malemo mukkun bangmi tu tau umballa’ pakeanna lako lalan.

YOHANES 12:18

Iamoto anna lao tu to buda untammui, belanna narangi kumua Napadenmo Yesu tu tanda kalle-kallean iato.