Iatonna linona Ahab nabangun pole’mi Hiel, to Betel, tu kota Yerikho. Sisayurammi anak pa’bunga’na, iamo tu Abiram tonna parandanganni; sia sisayuran anak tampakna, iamotu Segub tonna pabendanni tu babangan – susi kadanNa PUANG tu mangka Napokada nalopian Yosua, anakna Nun.
Nasua bunimi Yosua, anakna Nun, dio mai Sitim tu da’dua to ma’serre’i, nakua: Malekomi untiroi tu padang iato sia iatu Yerikho. Malemi tu tau iato, anna tama banuanna misa’ baine kadake gau’, disanga Rahab, nama’bongi dio.
Rampomi lako Yerikho. Iatonna sunmo tu Yesu dio mai Yerikho sola anak gurunNa sia lendu’ budanna tau Nasisolan, denmi anakna Timeus, disanga Bartimeus, to buta kapalaku-laku, unno’ko’ dio biring lalan.
