LUKAS 18:43 - Sura' Madatu

⁴³ Ta’pa pakita bang siami naundi urrundu’ Yesu umpakaraya Puang Matua. Iatonna tiromi mintu’ tau tu iannato, umpudi-pudi dukami Puang Matua sola nasang.

LUKAS 18:43 Referans Kwoze

PA’PUDIAN 146:8

Sia PUANG umpamillik mata to buta, PUANG umpakalolo to tikongko, sia PUANG ungkamasei to malambu’.

GALATIA 1:24

Umpakala’bi’mi Puang Matua tu diona aku.

PENGGAURANNA RASULU’ 26:18

ammu pamillikki tu matanna, anna memboko’ dio mai malillinna lako maserona, sia dio mai parentana deata bulituk lako Puang Matua, anna kabu’tui kadipa’deian kasalan sia mana’ sisola tu mintu’ to dipamaindan tete dio kapatonganan lako Kaleku.

PENGGAURANNA RASULU’ 11:18

Iatonna rangii susito, rapa’mi penaanna tinde tau’ naumpakala’bi’ Puang Matua nakua: Iake susito, Napa’kamasean duka Puang Matua lako to kapere’ tu lalan katobaran lu lako katuoan.

PENGGAURANNA RASULU’ 4:21

Apa sanapakarrang-karrangna, namane urrampananni sola duai; belanna tae’ nakabu’tui tu la naninna umpa’peukunganni, apa mataku’ lako to buda, belanna umpakala’bi’ nasang Puang Matua tu tau diona tu apa mangka dadi.

LUKAS 13:17

Iatonna ma’kadamo susito, masiri’mi tu mintu’ tau umbalii, apa iatu to buda sende-sende belanna mintu’ gau’ mala’bi’, Napogau’ Yesu.

LUKAS 5:26

Tiramban nasangmi penaanna tu tau iato mai sia umpakaraya Puang Matua sia nakabu’ kamatakuran, nakua: Iate allo iate tatiromo tu penggauran kalle-kallean.

LUKAS 4:39

Bendanmi tu Yesu dio to’ ulunna, Nagagai tu lalla’na namallai lan mai kalena tu lalla’ nata’pa millik, naparakanni kande.

MATIUS 21:14

Saemi lako Kalena lan Banua Kabu- sungan tu to buta sia to kupi’, Napa- mondoi.

MATIUS 11:5

Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

MATIUS 9:8

Iatonna tiromi to buda tu iannato, mataku’mi sia umpudi Puang Matua, tu umpa’kamasean kuasa susito lako to lino.

YESAYA 43:21

Iatu bangsa mangka Kukombong la umpakala’bi’Na, la umpatale’ kadipudiangKu.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YESAYA 35:5

Attu iato to buta la dipapakita sia to taru la dipaparangi.

PA’PUDIAN 107:15

Sangapaoi anna pudii tau iato mai tu PUANG belanna kamasokananNa, sia tu belanna mintu’ penggauran kalle-kalleanNa lako ma’rupa tau.

PA’PUDIAN 107:8

Sangapaoi anna pudii tau iato mai tu PUANG belanna kamasokananNa, sia iatu belanna mintu’ penggauran kalle-kalleanNa lako ma’rupa tau!

PA’PUDIAN 30:2

La kupekalangka’iKomi, o PUANG, belanna Miangka’mo’ langngan, sia tae’ Mieloranni tu ualingku umposendei tu diona kasanggangangku.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

LUKAS 19:37

Iatonna rampomo lako aa’ buntu Zaitun, randukmi parannu-rannu penaanna tu mintu’ anak gurunNa sia unnarak-arrak umpudi-pudi Puang Matua, belanna mintu’ kamatotoran mangka natiro,