LUKAS 18:31 - Sura' Madatu

³¹ Iatonna iato natambaimi tu anak gurunNa sangpulo dua namale sola, Nakua: Manassa la malemiki’ langngan Yerusalem, dadi iatu mintu’na mangka nasura’ mintu’ nabi tu diona Anak rampan dilino la diganna’imo.

LUKAS 18:31 Referans Kwoze

MATIUS 16:21

Randuk tonna iato Napa’peissanammi Yesu lako anak gurunNa kumua sipatu la lao lako Yerusalem anNa perasai buda parri’ dio mai pekaamberan sia dio mai pangulu to minaa sia pandita Sura’, naurunganni dipatei, Nadipamalimbangun sule tonna allo ma’pentallun.

LUKAS 9:51

Tonna la ullambi’mi tu allo la dinii umpakala’bi’ Yesu, ma’palulakomi, la male lako Yerusalem.

LUKAS 9:22

Nakua: Iatu Anak rampan dilino manassa tae’ nasalai tang la umperasai buda parri’ sia la naali’ mintu’ pekaamberan sia pangulu to minaa sia pandita Sura’ sia la dipatei, na allo ma’pentallun Nadipamalimbangun sule dio mai to’ to mate.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

DANIEL 9:26

Sia iake lendu’mi annan pulona ndua minggunna la diputtai tu misa’ to ditokko, moi tae’ apa naposala; sia iatu taunna misa’ arung, tu la sae, la ussanggang kota sia inan maindan, apa ma’katampakanna la nasamboi uai saba’; sia sae lako ma’katampakanna la den kasirarian, iamotu kasanggangan, tu mangka dipamanassa.

MARKUS 8:9

Iatu to kumande agi-agi patangsa’bu. Nasuami Yesu male.

MATIUS 27:63

nakua: Tabe’ tuang, kikilalai kumua nakua ma’kada tu iti’ To ma’papusa tonna tuopa: tallung allo Kumalimbangun sule.

LUKAS 10:30

Napatarru’mi Yesu tu kadanNa, Nakua: Den misa’ tau solo’ dao mai Yerusalem male lako Yerikho, nadammakmi pa’gora’ nakalossokki tu pakeanna, nalonga’i, namale untampei, sidi’mora namate.