LUKAS 18:14 - Sura' Madatu

¹⁴ Kukua lako kalemi: iate tau iate diseroi sule lako banuanna, apa iatu tau ina’ tae’, belanna minda-minda umpamadoan bang kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 18:14 Referans Kwoze

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 16:15

Apa Nakua Yesu lako tu tau: Kamumo tu ussanga bang kalemi to malolo dio tingayona tau, apa Naissan duka sia Puang Matua tu penaammi; iatu nasanganna tolino kapua, iamo Nakagi’gi’na Puang Matua.

YAKOBUS 4:10

Sipatukomi la umpamadiong kalemi dio oloNa Puang, na Ia la umpamalangka’komi.

MATIUS 23:12

Minda-minda umpamadaoan kalena, iamo la dipamadiongan; sia minda-minda umpamadiongan kalena, iamo la dipamadaoan.

SARAMBU PEADA’ 29:23

Diona kamadoan penaa anna dipamadiongan tu misa’ tau, apa iatu to umpopengkadiongan penaanna la unnappa’ kamala’biran.

YAKOBUS 4:6

Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.

LUKAS 1:52

iatu to kapua Napasule rokko tu pangka’na na iatu to barinni’ Napamadoan,

PA’PUDIAN 138:6

Tonganna kumua matande liu tu PUANG, anNa tiro lumbang to umpopengkadiongan penaanna, na iatu to matampo mambelapa naissanni.

MATIUS 5:3

Maupa’ tu mintu’ to umpamadiongan penaanna belanna tau iato umpoparenta Parenta Suruga.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

SARAMBU PEADA’ 3:34

Iake denni to pa’tellean, Naissan Ia kalena untelle-tellei, apa Nakaturu-turui tu to umpamadiongan pena- anna.

AYUB 25:4

Umbara la nakua tu misa’ tolino malolo dio oloNa Puang Matua, ba’tu umbara nakua la masero tu to nadadian misa’ baine?

GALATIA 2:16

apa taissan kumua tae’ misa’ tau dibilang malolo belanna ungkaritutui tuntunan Sukaran aluk, sangadinna kapatongananri lako Kristus Yesu, tenmoto anta patonganni tu Kristus Yesu, kumua anta dibilang malolo diona kapatonganan lako Kristus, tangia kumua diona ungkaritutui tuntunan Sukaran aluk, belanna iatu ungkaritutui tuntunan Sukaran aluk, moi misa’ tau tae’ dibilang malolo.

ROMA 4:5

Apa iatu to tang mengkarang, sangadinna umpatongan tu To umbilang malolo to tang mekaaluk, iamo umpomalolo kapatongananna.

ROMA 3:20

Apa iatu umpogau’ Sukaran aluk, tae’ tau misa’ dibilang malolo dio oloNa Puang Matua, belanna lan mai tu Sukaran aluk nanii bu’tu tu dininna untandai kasalan.

LUKAS 10:29

Apa la morai bang untonganan kalena tu tau iato, nakuami lako Yesu: Mindara tu padangku to lino?

SARAMBU PEADA’ 18:12

Iatu kamadaoan penaanna tau undoloan katobangan, apa iatu kamadiongan penaa undoloan kadipangkeran.

SARAMBU PEADA’ 15:33

Kamatakuran lako PUANG iamo pangadaran mebaa lako undoloan kadipangkeran.

AYUB 22:29

Moi dilese lu rokkoko, ma’kada layuk siapoko! sia minda-minda umpamadiongan pentirona, Puang la untundui.

1 SAMUEL 1:18

Nakuami Hana: Podo mitontong ungkamaseina’. Mangkato malemi tu baine iato anna kumande sule sia tae’mo narondon tu lindona.

KATASSURAN 18:11

Totemo kuissanmo kumua tarompo’ tu PUANG anna iatu mintu’ deata, belanna Narampanammo te bangsa iate lan mai limanna to Mesir belanna matampo tu to Mesir lako tau iato mai.

ROMA 8:33

Mindara la umpasala to Natonno’ Puang Matua? Anna Puang Matua Ia umbilang maloloi.

ROMA 5:1

Tu belanna dibilang malolomoki’ diona kapatonganan, anna den kasikaeloanta Puang Matua tete dio Puangta Yesu Kristus,

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

YESAYA 45:25

Lan PUANG dinii ussanda-tonganni sia la nanii massattuan tu mintu’ bati’na Israel.

AYUB 9:20

Moi angku tongan, pudukku kalena urra’ta’i tu kasalangku, moi angku tang sala, Puang kalena umpasalana’.

HABAKUK 2:4

Manassa matampo sia tang malolo tu penaanna, apa iatu to malambu’ la umpotuo kapatongananna.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

PA’PUDIAN 143:2

Da Mipasilindoi kadiparessan tu taumMi, belanna moi misa’ rupa tau tae’ malambu’ dio oloMi.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

SARAMBU PEADA’ 25:7

Belanna mandu melo, kema’kadai tau lako kalemu, nakua: Maleko mai, kendekko langngan!, na iake napamadiongangko tau dio olona to mala’bi’, tu mangka nata’pai matammu.