LUKAS 17:30 - Sura' Madatu

³⁰ Susi dukamo la dadi to, ke dipabu’tumi tu Anak rampan dilino.

LUKAS 17:30 Referans Kwoze

KADA OMBO’ LAKO RASULU’ YOHANES 1:7

Tiromi la saeMo, natikui gaun anna mintu’ mata untiroI; sia la natiro duka mintu’ to urrokKi; mintu’ suku lan te lino la siorronan untiroI. Tonganna, amin.

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

1 KORINTUS 1:7

Naurunganni tae’ mikakurangan len pa’kamase, ke marassankomi umpeagi kapayananNa Puangta Yesu Kristus.

1 PETRUS 1:13

Iamoto pamataranni tu tangnga’mi sia maingarangkomi sia rannuan tongan-tonganni tu pa’kamasean la diparampo lako kalemi, ke attunnami sombo tu Yesu Kristus.

1 PETRUS 1:7

kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus,

LUKAS 21:27

Sia iato attu iato la natiro tu Anak rampan dilino sae lan gaun sisola kamatotoran kapua sia kamala’biran kapua.

MATIUS 24:3

Tonna unno’ko’ dao buntu Zaitun, ussarakki misami kalena tu anak gurunNa nasae lako Kalena, sia nakua: Pokadangkan, attu umbara nala dadi tu iannato, sia apara tandana tu kasaeamMi sia katappuranna te lino?

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

1 PETRUS 4:13

sangadinna la parannukomi sitinaya kataanammi lan kamaparrisanNa Kristus; dikua ke attunnami sombo tu kamala’biranNa la parannukomi sia sende paiman.

MARKUS 13:26

Attu iato la nakita tu Anak rampan dilino sae dao gaun situang kamatotoran kapua sia kamala’biran.

MATIUS 26:64

Nakuami Yesu lako: Susimo tu kadammi. Apa Kukua mati’, randuk te totemo ammi kitai tu Anak rampan dilino unno’ko’ dio kananNa To umpoissan angge maritik, sia sae lan gaun dao mai langi’.

MATIUS 24:39

Sia tae’ bang namengkilala, sae lako saena uai saba’ ussabu’i nasangi, la susi dukamoto tu kasaeanNa Anak rampan dilino.

MATIUS 24:37

Belanna tumba tonna linona Nuh, la susi dukamoto tu kasaeanNa Anak rampan dilino.

LUKAS 21:22

Belanna iamo allo dinii umpabala’i, kumua anna sundun tu mintu’na disura’na.

LUKAS 17:24

Belanna susi kila’ mellepa’ dio mai biring langi’ naparrang sae lako biring langi’, susi dukamoto tu Anak rampan dilino, ke alloNa.

LUKAS 17:29

Apa tonna memboko’mo Lot lan mai Sodom, saemi dao mai langi’ tu uran api sia solo’ ummangsanni tu tau sola nasang.

1 KORINTUS 1:8

Ia dukamo la umpabatta’komi sae lako ma’katampakanna, naurunganni tae’ sayuammi to ke alloNa Puangta Yesu Kristus.

KOLOSE 3:4

Ianna dipapayan tu Kristus, tu katuoanta, la dipapayan dukakomi sola lan kamala’biran.

1 YOHANES 2:28

Totemo te, e anakku, manda’komi lan Kalena, kumua iake dipasombomi, la unnappa’ki’ kabattaran sia tae’ tala kasirisan dio oloNa, ke attu kasaeanNa.

1 YOHANES 3:2

E mintu’ pa’kaboro’ku, totemo te anakNaki’ Puang Matua, apa tae’pa nasombo la matumbai dadinta undinna. Apa takanassai, kumua iake dipasomboMi undinna, la susi dukamo tu a’ganta, belanna la tatiro susitu a’ganNa siamo.