LUKAS 16:9 - Sura' Madatu

⁹ Kukua lako kalemi: Pakei massangmane tu ianan tang manassa, sangapaoi, ke nasalaikomi, la natarima siakomi lan banua tontong sae lakona.

LUKAS 16:9 Referans Kwoze

MATIUS 19:21

Nakuami Yesu ungkuanni: Iake la moraiko tae’ sayuammu, malemoko, mubalukanni tu apa-apa dio kalemu, mupa’kamaseanni lako to kalala’, ammu ampui ianan dao suruga; ammu male mai undi urrundu’Na’.

MATIUS 6:24

Tae’ misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na nasarroanni tu misa’na. Tae’ mima’din umpekapuangi Puang Matua mipengkaolai dukai tu Mamon.

DANIEL 4:27

Iamoto, e datu, lala siai manii naala penaammi tu pa’pakilalangku kumua puttaimi tu kasalammi tete dio kamalamburan sia puttaimi tu kakelokammi tete dio ungkamasei to makario-rio, dennoupa’ anna dipamalambe’ tu karapasan dio kalemi.

LUKAS 16:11

Iamoto iake tae’i midipatongan lan ianan tang manassa, minda toda la umpakambi’ikomi tu manassana?

SARAMBU PEADA’ 19:17

Minda-minda ungkamasei tobongko, ma’peindan lako PUANG, Puangmo la umpakkanni tu kameloanna.

LUKAS 14:14

Dadi la salama’komi, belanna iatu tau iato tae’ nabelai umpabala’i lako kalemi, sangadinna la dipabala’i lako kalemi ke dipatuoi sule tu mintu’ to ma’bulo sanglampa.

LUKAS 12:33

Balukanni tu apa dio kalemi, ammi pa’kamaseanni; garagangkomi poro’-poro’ tang malusa kalemi, ianan dao suruga tae’ napura, tang nalambi’na to boko, sia tang nabala’-bala’na busung.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

LUKAS 16:13

Tae’ ia misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na, nasarroanni tu misa’. Tae’ mima’din umpengkaolai Puang Matua, mipengkaolai dukai tu Mammon.

PENGGAURANNA RASULU’ 10:31

nakua: E, Kornelius, ditarimamo tu passambayangmu, sia Napengkilalai Puang Matua tu pa’kamaseammu.

MATIUS 6:19

Da’ mipakombongan ianan kalemi lan te lino tu naninna busung sia ta’ga’ umbala’-bala’i, sia to boko ullo’po’ banua anna boko,

YUDAS 1:21

Nasusito karitutui tu kalemi lan pa’kaboro’Na Puang Matua, ammi tayan kamamaseanNa Puangta Yesu Kristus tu mebaa lako katuoan matontongan.

PENGGAURANNA RASULU’ 10:4

Lendu’mi mataku’na mentiro lako malaeka’ sia nakua: Apara mitungkanan, Puang? Nakuami lako: Mintu’na passambayangmu sia pa’kamasemu rampomo langngan Puang Matua sia Napengkilalai.

TOMANGADA’ 11:1

Tibemi tu rotimmu rokko to’ uai, belanna la muappa’ sule, ke ba’tu pirang-pirang allomi lendu’na.

SARAMBU PEADA’ 23:5

Iake mupenunui, simpolo pa’de, belanna ta’pa unggaragan kalena pani’, susito langkan maega mettia’ langngan langi’.

YESAYA 57:16

Belanna tae’ angKu la tontong sae lakona ullo’bo to lino sia tae’ nala tae’ upu’na tu kasengkeangKu; iake susito la ka’tu sunga’na tu to lino dio oloKu, anna Aku kalena umbenni penaa.

PA’PUDIAN 73:26

Moi anna sanggang tu batang kaleku sia ronta’ tu penaangku, apa Puang Matuari buntu batunna penaangku sia kupomana’ tontong sae lakona.

LUKAS 16:4

Kuissan sia tu la kupogau’, kumua iake ditassu’ina’ lan mai te toeku, ma’din siana’ natarima tinde tau lan banuanna.

SARAMBU PEADA’ 14:24

Iatu makotana tokinaa napokasugiran; iatu kabaganna tobaga tontong napobaga.