LUKAS 16:20 - Sura' Madatu

²⁰ Den pole’omi misa’ to mase-mase, disanga Lazarus unno’ko’ dio to’ katengkanna, nakarupu bang kele tu kalena;

LUKAS 16:20 Referans Kwoze

PENGGAURANNA RASULU’ 3:2

Denmi misa’ to kupi’ natuang lan mai tambukna indo’na nabulle tau; kiallo-kiallo dipadio bang to’ ba’ba Banua Kabusungan, tu disanga Ba’ba Ballo, malaku-laku lako to tama Banua Kabusungan.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

YAKOBUS 1:9

Apa sipatu tu siulu’ tu lan a’gan kamadiongan la massattuan diona kadipamadaoanna;

LUKAS 16:21

la moraimi ungkande bangi tu kande mara’ dao medana tinde to sugi’, apa sangadi asu sae ullepa’i kelena.

AYUB 2:7

Pakalan tassu’mi tu deata bulituk dio mai oloNa PUANG, anna pata’pai kele tang dampi-dampian tu Ayub randuk dio mai pala’ lentekna sae langngan botto ulunna.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.

YEREMIA 8:22

Tae’raka balsen dio Gilead, tae’ raka misa’ to ma’dampi? A’a ma’apai tu bangkena anakna baine bangsaku natang sikemun?

YESAYA 1:6

Tempon diong mai pala’ lentekmi landa’ langngan botto ulummi tae’mo memun, sangadinna bangke sia sisulla’pang-la’pangan sia koyong tang diperru’i sia tang dibimbin sia tang diammakki minna’.

PA’PUDIAN 73:14

Belanna kiallo-kiallo naruana’ parri’, sia iake melambi’ naruana’ peada’.

PA’PUDIAN 34:19

Iatu PUANG tang untoyangan to rantang buana sia ullendokanni tu to rosso penaanna.

YOHANES 11:1

Denmi misa’ to masaki disanga Lazarus to Betania, dio mai tondokna Maria sola sangbainena, disanga Marta.

MATIUS 26:71

Iatonna sunmo lako to’ babangan, den pole’omi baine ruranan senga’ ungkitai sia nakua ungkuanni tu to indeto dio: Ia dukapa te tau iate tu nasisolan Yesu, tu to Nazaret.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.