LUKAS 15:25 - Sura' Madatu

²⁵ Iatu anak pa’bunga’na dio lu pa’lak; tonna saemo mandappi’mo lako to’ banua narangii tu to ma’gandang sia to manimbong;

LUKAS 15:25 Referans Kwoze

PA’PUDIAN 150:4

Pudimi ganda’-ganda’ ammi ma’gellu’! Pudimi paningoan diritii sola suling!

LUKAS 7:32

Manassa iamo susi pia’-pia’ unno’ko’ dio pasa’ nasitamba-tamban, nakua (ma’londe): Mangkamokan umpa’gandangangkomi natae’ bang miunnondo; Kimane umbating, natae’ bang mitumangi’.

YEREMIA 31:4

La Kubangunangko sule, ammu bendan sule, e anak dara Israel! La ma’beloko sule sia ma’dedek ganda’-ganda’ ammu tassu’ sola to ma’marua’-rua’ ma’gellu’.

TOMANGADA’ 3:4

Den tu attu katumangiran sia den tu attu kametaan, den tu attu dinii umbating sia den tu attu dinii ma’gellu’.

PA’PUDIAN 149:3

La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

PA’PUDIAN 126:1

Nanian Hamaa’lot. Iatonna pasulei PUANG tu mintu’ to Sion dirampa, susikan to mangimpi.

2 SAMUEL 6:14

Tumbang-tumbangmi tu Daud dio oloNa PUANG sia ma’bayu lenang busa.

KATASSURAN 15:20

Naalami Miryam, nabi baine, anak daranna Harun tu ganda’-ganda’, anna tassu’ tu mintu’ baine unturu’i, anna undedek ganda’-ganda’ sia ma’gellu’.

PA’PUDIAN 30:11

Patanannina’ talinga, o PUANG, sia kamaseina’, o PUANG, melo ke Kamumo patunduangku.

LUKAS 15:24

Belanna matemo tu anakku anna tuo sule, pa’demo anna bu’tumo sule. Pakalan naparandukmi ma’marua’-rua’.

LUKAS 15:26

natambai misa’ tu kaunanna nakutanai: To ma’aparaka ia te?