LUKAS 15:13 - Sura' Madatu

¹³ Nataammi tu iananna lako. Tae’ napirang allo to, naparandan nasangmi, namale lako misa’ tondok mambela, natabu-tabu bangi tu iananna dio lu, belanna solle’-solle’ bangmo.

LUKAS 15:13 Referans Kwoze

YEREMIA 2:5

Nakua kadanNa PUANG: Kakelokan apara tu naapparan nene’ to dolomi dio Kaleku, anna toyang mambela dio mai Kaleku sia unturu’ apa tae’ gai’na naurunganni tae’mo patunna?

SARAMBU PEADA’ 29:3

Minda-minda tu umporai kakinaan, umpaparannu ambe’na, apa minda-minda tu sikadamak baine bualang, ussa’sakan iananna.

SARAMBU PEADA’ 21:17

Minda-minda umporai bangi ma’marua’-rua’, la kapu’duran; sia minda-minda umbudanan minna’ sia uai anggoro’, tae’ nala sugi’.

SARAMBU PEADA’ 28:7

Minda-minda tu ungkaritutui sukaran aluk, iamo misa’ pia muane unnampui tangnga’ kinaa, apa minda-minda tu sisola passolle’, umpakasiri’ ambe’na.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

LUKAS 16:1

Sia Nakua duka tu Yesu lako anak gurunNa: Den misa’ to ma’kampa banuanna misa’ to sugi’, natanda’ tau ungkasalapakki iananna puangna.

LUKAS 15:30

Namane sae ia te anak mangkammi umbala’-bala’ iananmi sola baine bualang, ammi tunuammi anak tedong maloppok!

MIKHA 6:3

E taungKu, apara tu Kupogau’ lako kalemu sia apara Kupamasussangko? Bendan sa’biko untingoiNa’!

YEREMIA 2:31

E kamu to dadi totemo, perangii tu kadanNa PUANG: Denraka Kususi to padang aak lako to Israel, ba’tu susito padang mapattang? Ma’apai anna ma’kada tu taungKu, nakua: Mallaimokanni, tae’mo kila sae lako Kalemi?

YEREMIA 2:13

Belanna napogau’mo taungKu tu da’dua penggauran kadake: Iatu Aku, kalimbuang boba, tu natampemo tau iato mai, anna paran bubun batu kalena, iamotu bubun batu rutu’, tu tang nanii sampe uai.

YESAYA 56:12

(Ma’kadami nakua): Maikomi, angku alangkomi uai anggoro’, anta iru’ pangiru’ mepamalango; susite allo totemo, susi dukato masiang, mandu pole’pa marua’na.

YESAYA 30:11

Mallaikomi dio mai lalan, sepangkomi dio mai batatta; patoyangi tu To maserona to Israel dio mai tingayoki.

YESAYA 22:13

Apa tiromi, tontong bang tu kasende-sendean sia kamaruasan, untunu sapi sia urrere’ domba, ammi ungkande duku’ sia unniru’ anggoro’, mikua: Maikomi anta kumande sia mangiru’, belanna masiang matemiki’.

YESAYA 1:4

Upu’ allona tu to kasalan, tu bangsa natondon kakadakeanna, bati’ to kadake sia taruk to bulituk! Natampe tu PUANG, sia nabelle’ tu To maserona to Israel sia memboko’.

SARAMBU PEADA’ 27:8

Susito manuk-manuk salamba salao sikambela serangna, susi duka tu to salamba salao sikambela tondokna.

SARAMBU PEADA’ 21:20

Lan banuanna to kinaa denmo tu mai ianan dinanna sia minna’, apa misa’ to baga untabu-tabui.

SARAMBU PEADA’ 18:9

Iatu to tukkunan mengkarang, massiulu’mo to pasanggang.

SARAMBU PEADA’ 6:26

Belanna pa’katumangna baine bualang anna kapu’duran kande tau, sia bainena to senga’ unnula’ katuoan mala’bi’na tau.

PA’PUDIAN 73:27

Belanna mintu’ to untoyangammoKomi, manassa la sanggang, ondongpi, iatu to untampeKomi ma’baliara’ senga’ la Miroto’i.

2 PETRUS 2:13

naurunganni unnappa’ pakkan kasalanna. Tau iato mai nasanga misa’ kasendean tu pa’pemammi’na keallo, anna attangan sia sayuan tu tau iato mai, ma’pemammi’ lan pa’pakenanna, ke kumandekomi sola.

EFESUS 2:17

AnNa sae umpa’peissanan Kareba-kaparannuan diona kasikaeloan lako kamu tu mambelanna sia lako duka mandappi’na,

EFESUS 2:13

Apa kamu tu mambela dolona, totemo tete dio Kristus Yesu, anna popengkareke’mokomi raraNa Kristus.

LUKAS 15:12

Nakuami tu adinna lako ambe’na: O ambe’, benmo’ aku tu la kupoba’ginna tu iananmi.

LUKAS 15:14

Pakalan tonna puramo umpamalei tu apanna, saemi karorian pannang lan lu tondok iato, randukmi kapu’duran.