LUKAS 13:35 - Sura' Madatu

³⁵ Tiromi midisa’bianganan tu banuammi, apa Kupokada lako kalemi, kumua: Tae’mo mila untiroNa’ sae lako nalambi’na tu attu la minii ma’kada kumua: Maupa’mo Ia tu saena umpotete sanganNa Puang.

LUKAS 13:35 Referans Kwoze

PA’PUDIAN 118:26

Maupa’ tu to sae umpotete sanganNa PUANG! La kipassakkekomi lan mai banuanNa PUANG.

YOHANES 12:13

pada unnalami palapa koroma nalao untammui sia unnarrak-arrak nakua: Hosana, kurre sumanga’Na tu saeNa umpotete sanganNa Puang. Iamotu datunna to Israel!

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

ZAKHARIA 14:2

Attu iato la Kurampun tu mintu’ bangsa urrarii Yerusalem; iatu mai kota la ditalo, iatu mai banua la dipangrampai sia iatu mai baine la diparuku digau’ sala. Sesena tu pa’tondokan la male dipali’, apa iatu torronapa tu to buda tae’ nala disabu’i lan mai kota iato.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.

PA’PUDIAN 69:25

Patu’ba’i kasengkeamMi tu tau iato mai, sia melo ke naruai kamare’dekanna ara’Mi.

YEREMIA 22:5

Apa iake tae’i miperangii te kada iate, mangkaMo’ umpalao sumpa tete dio Kaleku, kadanNa PUANG, kumua iate tongkonan layuk iate la daun lauanmo.

YEREMIA 35:17

Iamoto Nakua PUANG, Kapenombanna mintu’ ma’dandan maritik, Kapenombanna to Israel: Tonganna la Kuparampoi mintu’ kamandasan tu Yehuda sia mintu’ pa’tondokan Yerusalem, tu mangka Kupokada la urrampoi, tu belanna ma’kadaNa’ lako kalena, apa tae’ naperangii sia metambaNa’ lako, apa tae’ namebali.

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

LUKAS 19:41

Pakalan tonna mandappi’mo Natiromi tu tondok iato, Natangi’imi,