LUKAS 13:32 - Sura' Madatu

³² Nakuami Yesu lako: Malemokomi, pokadanni tu sindallung iato, kumua: Manassa la unnalaiNa’ deata sia umpamaleke tau te allo iate sia masiang duka, na allo ma’pentullannari namane upu’.

LUKAS 13:32 Referans Kwoze

IBRANI 2:10

Belanna Puang Matua, tu bannang Dio sia tete Dio duka napodenNi angge maritik, anNa solan ba’tu sangapa budanna anak lako kamala’biran, pato’ umpasundun Panglalan kasalamaranna tau iato, tete dio buda kamaparrisan.

IBRANI 5:9

Tonna mangkamo dipasundun maneri Ia mendadi oto’ kamakarimmanan matontonganna mintu’ to mengkaola lako Kalena,

IBRANI 7:28

Belanna iatu Sukaran aluk unturo ta’ba to malamma’ mendadi Tominaa Kapua, apa iatu lise’ sumpa tu undinna, na Sukaran aluk, unturo ta’ba Anak mendadi Tominaa Kapua tu sundun tontong sae lakona.

YOHANES 10:32

Nakuami Yesu mebali lako tinde tau: Budamo tu penggauran melo dio mai Ambe’Ku Kupa’pekitanan lako kalemi, umbannamora tu penggauran iato tu la minii untumbuiNa’ batu?

MARKUS 6:14

Napelelemi datu Herodes tu diona Yesu, belanna kaleleammo sanganNa, nakua tu tau: Malimbangunmo tu Yohanes Pa’dio’ diong mai to’ to mate, iamoto nakedo tu mintu’ kamatotoran lan Kalena.

ZEFANYA 3:3

Mintu’ arungna dio lu tangngana susi bang singa umburrung-burrung, mintu’ to ma’paolainna salu susi bang, guruk ke bongi, tu tang massesa sae lako melambi’na.

YEHEZKIEL 13:4

Susi a’ganna sindallung dio lu to’ banua ro’pok, la susi duka a’ganna mintu’ nabimmi, e to Israel. –

YOHANES 19:30

IatonNa lepa’i Yesu tu sukka, Nakuami: Sundunmo! Tukkumi, Naussorong penaanNa.

PA’TENDENG BALLO 2:15

Tingkanangkanni tu mintu’ sindallung, tu mintu’ sindallung bitti’, tu ussanggang pa’lak anggoro’, belanna iatu anggoro’ki tarri’ ta’binna.