LUKAS 12:48 - Sura' Madatu

⁴⁸ Apa iatu tau tae’pa naissanni, napogau’i tu penggauran sipatu la dinii umbambai, iamo la disandan dibamba. Minda-minda tu buda dibenni, buda duka la dituntun lako kalena, sia minda-minda buda dipakambiranni, ondong pole budanna dituntun lako kalena.

LUKAS 12:48 Referans Kwoze

YAKOBUS 3:1

E sangsiulurangku, da mibuda morai la mendadi guru, belanna miissan kumua la nakannaki’ kadiparessan mandu magasa;

SURA’ KATOMINAAN 5:17

Iake denni misa’ tau kasalan sia umpogau’ misa’ apa tu Nagagai PUANG, anna tae’ naissanni manassa sala ia sia napassan kalena tu kakadakeanna.

YOHANES 15:22

Iake tae’i Kusae ma’kada-kada lako tu tau, tae’ nakasalan, apa totemo tae’mo napa’posangai tu diona kasalanna.

MATIUS 13:12

Belanna minda-minda tu den dio, la diben dukapa lako, anna kala’bian pissan. Apa minda-minda tu tae’ dio, la dialai pissan dio mai moi iatu dionamo kalena.

1 TIMOTIUS 1:13

moi angku to pa’kada solangan sia to palolan sia to pa’pakario-rioan tonna dolona; apa dikamaseimo’, belanna mintu’na tu iannato kupogau’ diona kabagangku tete katangma’patonganangku.

PENGGAURANNA RASULU’ 17:30

Mintu’na tu attu kabagan Napopa’elo’na Puang Matua, apa totemo te mintu’na tau nala umba-umba nii Nasua mengkatoba’.

1 TIMOTIUS 1:11

situru’ Kareba-kaparannuan umpa’peissanan kamala’biranNa Puang Matua, tang dilambi’ karongkosanNa, iamo dipakambiranna’ to.

LUKAS 16:2

Napesuammi puangna, nakuami ungkuanni: Ma’patumbari te angku rangii tu penggaurammu? saluan nasangmo’ rokko tu mukambi’na, belanna tae’mo muma’din dadi to ma’kampa banuangku.

1 TIMOTIUS 6:20

E Timotius, karitutui tu pangingko’ dipa’pekambiran lako kalemu, sia boko’i tu ulelean punala bang sia tae’ gai’na sia kasita’genan ussita’genni kapaissanan tang pato’ disanga kapaissanan;

TITUS 1:3

anna iatu bisaranNa mangkamo dipasombo tonna attunna lan tu kada dipa’peissanan tu dipatageranna’ situru’ pepasanNa Puang Matua, To pakarimmananta.

KADIBILANGAN 15:27

Iake den misa’ tau umpogau’ kasalan tang diangga’i, manassa la umpennoloan misa’ bembe’ birang sangtaunmo la diposuru’ pengkalossoran.

PA’TOLE 25:2

manassa iake sipatui la dibamba tu to sala, la nasua to ma’paolai salu umpasumpandanni, sia la umbambai ba’tu pempiran-piran dio tingayona sitinaya salana.

LUKAS 12:41

Iatonna iato nakuami Petrus lako: O Puang, iate pa’pasusian iate, kamiraka Mipokadan, ba’tu mintu’raka tau?

LUKAS 12:49

Ia sia angKu sae te la umpellebaranNa’ api tama lino; la Kuapamira ke ma’lulu-lulumi?

MATIUS 23:14

(Upu’ allomi, e pandita Sura’ sia to Farisi, to belo puduk, belanna miimbakan tu iananna baine balu, ammi angga’-angga’i umpamalambe’ passambayangmi; iamoto mandu la naruakomi tampak ropu.)