LUKAS 12:4 - Sura' Madatu

⁴ Nakua kadangKu lako kalemi, e mintu’ sangmaneKu, da mikataku’i tu to umpatei kale, mangkanna to, la naapaoporokomi;

LUKAS 12:4 Referans Kwoze

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

YEREMIA 1:8

Da mumataku’ dio tingayona tau iato mai, belanna Aku urrondongko la urrampanangko, kadanNa PUANG.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

FILIPI 1:28

Da naden misa’ apa nanii umpaselangkomi to unneakomi, tu manassa lako kalena mendadi tanda kasanggangan, apa lako kamu tanda kamakarimmanan, tu lu dio mai Puang Matua.

1 PETRUS 3:14

Apa iake naruakomi kamaparrisan tu belanna kamaloloan, rongko’komi; sia da mikataku’i tu pa’pakarrangna to mai tau sia da ammi potirambanni.

YAKOBUS 2:23

Na susito nalambi’mo tu kada lan Sura’ Madatu, nakua: Napatonganmo Abraham tu Puang Matua, na iamorato tu dibilang kamaloloan lako kalena; iamo disangai sangmaneNa Puang Matua.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

YEHEZKIEL 2:6

Na iko, e ma’rupa tau, da mukataku’i tu tau iato mai sia da mukataku’i tu kadanna, moi natikuiko a’da’ sola duri sia moi ammu sisola te’tek buku; da mukataku’i tu kadanna sia da mukagiangi tu olona, belanna tau iato mai to pabali-bali.

PENGGAURANNA RASULU’ 4:13

Iatonna tiroi tu kabattaranna penaanna Petrus sola Yohanes, sia naissan kumua tae’ nadiada’i sura’ sukaran aluk sia to biasa bangsia, mangngami, maneri natandai kumua iatinde tau sola duai sisolamo Yesu pirambongi’.

YEREMIA 1:17

La mupori tu aakmu, ammu ke’de’ umpokadai lako tau iato mai tu mintu’ apa la Kupasanangko, da mutiramban belanna tau iato mai, da angKu patirambanko dio tingayona.

YESAYA 41:8

Apa iko, e Israel, taungKu, e Yakub, tu mangka Kupilei langsa’, bati’na Abraham, sangmaneKu.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

PA’TENDENG BALLO 5:16

Iatu mai lingarona kamatapparan manna, sia iatu mintu’ dio kalena mepasendena manna. Susimo a’ganna to tu andi’ pa’kaboro’ku, susimo garaganna to tu sangkalamma’ku e, mintu’ anak dara Yerusalem.

SARAMBU PEADA’ 29:25

Kamatakuran lako tau, iamo untananan poya kaleta, apa minda-minda tu umposande’ PUANG, mentilindung dio inan marampa’.

YEREMIA 41:18

tu diona to Kasdim, belanna mataku’ tu to Yehuda lako tau iato mai, saba’ napateimo Ismael, anakna Ahikam, tu naangka’ datu Babel umparentai tu tondok iato.

YOHANES 15:13

Tae’ dio misa’ duka tau tu pa’pakaboro’ ondong na iate, tu napourungan ussorong penaanna belanna mintu’ sangmanena.