LUKAS 12:39 - Sura' Madatu

³⁹ Apa miissan sia te iannate, kumua iake susinna naissanni ampu banua, kumua te’te’ iato nala sae tu to boko, manassa nakampai sia tae’ napopa’elo’nai tu banuanna nalu’bakki.

LUKAS 12:39 Referans Kwoze

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.

KADA OMBO’ LAKO RASULU’ YOHANES 3:3

Iamoto, kilalai umba nakua tu mangkanna mutarima sia murangi; karitutui to sia mengkatoba’ko. Iake tae’i mumarea, la saeNa’ butung to boko, sia tae’ mukapangi tu attungKu sae ullaoiko.

KADA OMBO’ LAKO RASULU’ YOHANES 16:15

Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.

MATIUS 6:19

Da’ mipakombongan ianan kalemi lan te lino tu naninna busung sia ta’ga’ umbala’-bala’i, sia to boko ullo’po’ banua anna boko,

MATIUS 24:42

Iamoto ma’penandakomi, belanna tae’ miisanni, umba allo nala sae tu Puangmi.