LUKAS 12:23 - Sura' Madatu

²³ Belanna iatu penaa losong ia na iatu kande, sia iatu kale losong ia na iatu tamangkale.

LUKAS 12:23 Referans Kwoze

AYUB 2:6

Ma’kadami tu PUANG lako deata bulituk, Nakua: Manassa iatu tau iato lan kuasammu, sangadinna la mukatirinnai tu sunga’na.

SARAMBU PEADA’ 13:8

Iatu la’bak penaanna tau, iamotu kasugiranna, apa iatu tobongko tang urrangi pa’pakua.

AYUB 2:4

Apa mebali tu deata bulituk lako PUANG, nakua: Kuli’ dipasondana kuli’ sia mintu’ apa naampui tau la nasorong belanna katuoanna.

AYUB 1:12

Ma’kadami tu PUANG lako deata bulituk, Nakua: Manassa iatu mintu’ ianan napoapa lan nasang kuasammu; sangadinna da’ mue’te’ limammu umpata’pai kalena. Pakalan tassu’mi tu deata bulituk dio mai oloNa PUANG.

KADADIAN 19:17

Iatonna solammi sun, ma’kadami tu misa’ nakua: Pallaiangko kalemu ke la ungkatirinnaiko katuoammu; da ammu messaile len sia da ammu torro len lan lili’na Padang; mallaiko langngan buntu, da ammu sabu’.

PENGGAURANNA RASULU’ 27:38

Iatonna dia’mo tu tau, dipembuangammi rokko tasik tu gandung kumua naunnayang tu kappala’.

LUKAS 12:22

Nakuami Yesu lako anak gurunNa: Iamoto Kukua lako kalemi: da miposelangi tu katuoammi, to kumua apa tu la mikande, ba’tu diona kalemi kumua apara tu la mipake.

LUKAS 12:24

Tiro-tiroi tu diona kadoya, tae’ namantanan len sia mepare, sia tae’ duka naampui palipu’ ba’tu alang, apa Napatuo duka ia Puang Matua; nasangapa losongmi na iatu manuk-manuk!