LUKAS 12:16 - Sura' Madatu

¹⁶ Napokadammi misa’ pa’pasusian lako tu tau, Nakua: Den padangna misa’ to sugi’ buda tongan burana.

LUKAS 12:16 Referans Kwoze

HOSEA 2:8

Iamoto la Kuala sule tu gandungKu, ke attu pegandungan sia uai anggoro’ ba’rungKu, ke attunnai, sia la Kusintak tu bulu dombaKu sia batang ramingKu, tu la napaluangan kalena.

PA’PUDIAN 73:12

Tiromi, iamote tu a’ganna to tang mekaaluk, saurrangngan-rangnganninna iananna belanna manaman bang.

PA’PUDIAN 73:3

Belanna ungkemburuna’ to matampo, tongku tiroi tu upa’na to tang mekaaluk.

AYUB 12:6

Marampa’ tu tendana to ma’pakario-rio sia manaman tu to umpare’dek ara’Na Puang Matua, mintu’ tu to morai ungkuasai Puang Matua.

PENGGAURANNA RASULU’ 14:17

moi anNa umpa’pepayanan Kalena umpogau’ kameloan, sia umpasaeangkomi uran dao mai langi’ sia pentaunan sebona bura padang sia Napabossai kande sia kaparannuan tu penaammi.

MATIUS 5:45

ammi paan anakNa Ambe’mi dao suruga; belanna Ia umpabu’tuanni alloNa tu to kadake sia to masokan, sia umpasaeanni uranNa tu to malambu’ sia to tang malambu’.

YEHEZKIEL 16:49

Inde sia tu kakadakeanna Sodom, sangbainemu, iamotu tuo sola anakna baine situang kamatampoan, kasebaran sia kamanamanan, anna masalio bang, apa tae’ anna tundui lenni tu mai to mandasa sia to mase-mase.

MATIUS 13:8

Sia den pira tu ta’pa rokko to’ padang lunak namembua, den manglokkon pessaratu’, den pennannan pulona den pentallungpulo.

LUKAS 12:15

Nakuami lako tau iato: Kanandai sia kanannangi tu kalemi dio mai kabasisi-inaan, belanna tae’ na ia napotuo tau tu kala’bian ianan.

LUKAS 12:17

Ma’tangnga’mi lan penaanna, nakua: Umbara la kukua ma’tangnga’? belanna tae’ inan la kunii umpalangnganni tu mintu’ bura padangku.

AYUB 24:23

Puang ungkarimmanni kamarampasan tu tau iato, anna posanderanni sia matanNa Puang ummanta-mantai tu lalanna.