LUKAS 11:51 - Sura' Madatu

⁵¹ tempon dio mai rarana Habel rampo lako rarana Zakharia, tu dipatei dio to’ kasiallaranna pemalaran na banuanNa Puang Matua. Manassa nakua kadangKu lako kalemi, kumua mintu’nato, la dipassosoan lako te tau totemo.

LUKAS 11:51 Referans Kwoze

IBRANI 11:4

Bannang dio dukamora kapatonganan anna pemalaranni Habel lako Puang Matua tu misa’ pesuru’ mandu melo na iatu pemala’na Kain; tete dio kapatongananna to, anna dikanassai, kumua iato malolo, belanna Natonganni Puang Matua tu pemala’na; sia tete dio kapatongananna anna ma’kada-kada siapa, moi anna matemo.

MATIUS 23:35

Kumua ammi buntu rengnge’i tu mai rarana to malambu’ tu to’do rokko padang, tempon dio mai rarana Habel tau lambu’ sae lako rarana Zakharia, anakna Berekhya, tu mangka mipatei dio kasiallaranna banua kabusungan anna to’ kapemalaran.

1 YOHANES 3:12

Tae’ nasusi Kain, tu lu dio mai deata bulituk, umpongko siulu’na. Apa bannangna anna pongkoi? Belanna mintu’ penggauranna kadake, apa penggauranna siulu’na malambu’ ia.

ZAKHARIA 1:1

Iatonna bulan ma’pengkarua taun ma’penduan kadatuanna Darius, saemi kadanNa PUANG, lako nabi Zakharia, anakna Berekhya, anakna Ido, Nakua:

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

YEREMIA 7:28

Iamoto la mupokada tu diona a’ganna, kumua: Iamote tu misa’ bangsa, tu tang umperangii kadanNa PUANG, Kapenombanna sia untumpu peada’; iatu kabulo-lollongan sisayurammo sia kada tang tongan mannamo dio pudukna.

KADADIAN 4:2

Undinnato nadadiammi tu adinna, iamo Habel; iatu Habel umpatuo bembe’ sola domba, na iatu Kain lumbang dilitak.