LUKAS 11:42 - Sura' Madatu

⁴² Apa upu’ allomi, e to Farisi, belanna iake sangpuloi tu salasi na kamangi sia mintu’ utan, misa’ mipennoloan, mipasalai penaa tu pa’paressan sia kamamaliran lako Puang Matua. Iari te tu sipatu la dipogau’, sia iatu senga’na da miboko’i.

LUKAS 11:42 Referans Kwoze

MATIUS 23:23

Upu’ allomi, e pandita Sura’ sia to belo puduk! Belanna ianna dipa’sangpulo tu kamangi sia salasi sia dintan, sangtaanna mipennoloan, apa mipasalai tu ma’iringanna lan Sukaran aluk, susinna tu katonganan sia kamamasean sia kamarurusan. Iari ia to tu sipatu dipogau’ sia iatu senga’na da duka nadipaboko’i penaa.

LUKAS 18:12

lan sangminggu sipenduanna’ ma’puasa sia ianna dipa’sangpulo tu mintu’na apangku, sangtaanna bang kupa’kamasean.

1 YOHANES 4:20

Iake den tau ma’kada nakua: Kukamasei tu Puang Matua, apa ungkabiri’ siulu’na, tau iato mo’rang, belanna iatu to tae’ napakaboro’ siulu’na tu natiromo lako, tae’ nakullei nakamasei tu Puang Matua, tu tang natiro lako.

MALEAKHI 3:8

Ma’dinraka tu tolino urrampa apanNa Puang Matua? Moi tae’ nama’din mirampa duka tu apangKu. Ma’kadakomi mikua: Umbara kikua urrampai, tu apamMi? Bannang dio pissan taa sangpulona tu mintu’ apa sia pa’duruk.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

SARAMBU PEADA’ 21:3

Umpogau’ kamaloloan sia salunna mandu naala penaanNa PUANG na iatu pemala’.

MATIUS 23:27

Upu’ allomi, e pandita Sura’ sia to Farisi, to belo puduk! Belanna butungkomi kaburu’ disapu’ kapu’; moi me’lok tu salianna ditiro, apa lanna lu ponno buku to mate sia anggenna maruttakna.

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

YOHANES 5:42

apa Kuissankomi, kumua tae’ miampui kamamaliran lako Puang Matua lan penaammi.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

MALEAKHI 2:17

Mipabo’yok tu PUANG napobua’ mintu’ kadammi. Ammi ma’kada kumua: Apara kipabo’yokanNi? Iamotu belanna mikua: Minda-minda tu umpogau’ kadake iamo melo dio pentiroNa PUANG, na iatu to susito nakalo’ penaanNa; umbara Nanii tu Puang Matua umpaden ukungan?

MALEAKHI 1:6

Iatu pia muane ungkasiri’ ambe’na, sia misa’ kaunan ungkasiri’ puangna. Iate Aku te, ke misa’Na’ Ambe’, umbanii tu pa’pakaraya lako Kaleku? Sia iate Aku te ke misa’Na’ Puang, umbanii tu kamatakuran lako Kaleku? kadanNa PUANGna mintu’ ma’dandan maritik lako kalemi, e mintu’ to minaa, tu umpamatuna sangangKu. Moi susito, ma’kadakomi mikua: Apara kipotete umpamatuna sangamMi?

TOMANGADA’ 7:18

Melo ke mukaritutui tu misa’ sia da murampananni tu misa’na, belanna minda-minda ungkataku’ Puang Matua la tilendok dio mai mintu’nato.

NEHEMIA 10:37

Sia la tabaa tu bunga’ ta’pung dalle sisikan – iamotu pa’durukta – sia mintu’ bunga’ bua kayu, uai anggoro’ ba’ru sia minna’ lako tominaa, dipatama bilik dio banua Kapenombanta sia taa sangpulona tu bura padangta la tabaa lako to Lewi, na tau iato mai, iamotu to Lewi, la urrampunni tu taa sangpulona lan lu mintu’ kotana to ma’lakoan padang.