LUKAS 11:26 - Sura' Madatu

²⁶ Undinna lao pole’omi untambai deata senga’ pitu nasisolan, tu masussukna pissan na ia, natama namembanua lan; dadi ma’katampakanna ondong pissanmi kadakena gau’na tu to natamai na iatonna dolona.

LUKAS 11:26 Referans Kwoze

YOHANES 5:14

Undinnato sitammumi Yesu dio to’ Banua Kabusungan, Nakuami ungkuanni: Tiromi, malekemoko; damo mupogau’ kasalan, da naruako tu kadakena pissan.

MATIUS 12:45

Undinna lao pole’ omi untambai deata senga’ pitu nasisolan, tu masussukna pissan na ia, natama namembanua lan; dadi ma’katampakanna ondong pissanmi masua-suanna tu to natamai na iatonna dolona. Ten dukamoto la dadi lako te bangsa kadake.

1 YOHANES 5:16

Iake denni misa’ tau untiro siulu’na umpogau’ kasalan tu tang umpabu’tunna kamatean, la napassambayangan, na Puang ungkamasei katuoan, iamotu mintu’ to umpogau’ kasalan tu tang umpabu’tunna kamatean. Den tu kasalan umpabu’tu kamatean, tae’ nadiona to tu kukuan pato’ napassambayangan.

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

MATIUS 23:15

Upu’ allomi, e pandita Sura’ sia to Farisi, to belo puduk! Belanna lumilingkomi diong tasik sia dao gantanan la umpasada’ misa’ poso tau tama aluk; na ianna tamamo mipopentonarakami penduan manglokkon anna kamu.

LUKAS 11:25

Ianna saemo, nakarampoimi mangkamo disapui sia dikassa’i.

LUKAS 11:27

Marassanmo tu Yesu umpokadai tu mintu’na te, denmi misa’ baine lan mai tu to buda umpemandui metamba, nakua lako: Maupa’mo ia tu inan tau mangka untambukKomi sia iatu susu Misusu.