LUKAS 11:10 - Sura' Madatu

¹⁰ Belanna minda-minda tu malaku, la ditadoi, sia iatu mandaka’na, la naappa’, sia iatu untumbekna ba’ba, la dibungkaran.

LUKAS 11:10 Referans Kwoze

YAKOBUS 4:3

sia massambayangkomi, apa tae’ miappa’i, belanna sala passambayangmi, tu belanna la misa’sakan unturu’ kamoraiammi.

BATING 3:18

Iamoto angku ma’tangnga’ kukua: ta’demo tu kamatotorangku, sia pa’rannuanangku langngan PUANG.

PA’PUDIAN 31:22

Mintu’na kadipudian lu lako PUANG, belanna Napakitammo’ pa’kamasean kalle-kallean, lan tondok ditambakuku.

YAKOBUS 5:11

Kilalai kumua iatu to bantang, tabilang maupa’; mangkamo mirangi tu kabantanganna Ayub, sia mangkamo mitiro tu katampakanna penggauranNa Puang, kumua sumpu mamase sia liu kaboro’.

LUKAS 18:1

Napokadan pole’omi Yesu misa’ pa’pasusian lako tinde tau la umpamalesoi, kumua, sipatu tau la massambayang nenne’, da narayang.

BATING 3:8

Moi angku metamba-tamba umpalaku pa’tunduan, Tang Nasaile tu passambayangku.

MATIUS 5:42

Benni tu to malaku lako kalemu, sia da mupa’taeranni tu to la morai mangindan mati’.

MATIUS 7:8

Belanna minda-minda tu malaku, la ditadoi, sia iatu mandaka’na, la naappa’, sia iatu untumbekna ba’ba, la dibungkaran.

LUKAS 11:9

Iamoto Kukua lako kalemi: Palakui ammi diben; daka’i ammi appa’i, tumbekki tu ba’ba ammi dibungkaran.

LUKAS 11:11

Na kamu umbara kamu tu ambe’, ke umpalakui roti tu anakna, la nabenraka batu lako?, ba’tu, ke umpalakui bale, la nabenraka ula’ sondana bale?