LUKAS 10:21 - Sura' Madatu

²¹ Iatonna iato parannu penaanNa tu Yesu belanna Penaa Masallo’, nakua: Ma’kurre sumanga’Na’ lako Kalemi, O Ambe’, Puangna langi’ sola lino, belanna mintu’na te Misamboan to matarru’ sia to manarang, amMi pasomboi lako pia. O Ambe’Ku, belanna susimoto tu pa’poraiamMi dio oloMi.

LUKAS 10:21 Referans Kwoze

2 KORINTUS 4:3

Apa iake kasamboanni tu Kareba-kaparannuangki, kasamboan lakomira to la sanggang,

EFESUS 1:11

Lan dukamo Kalena tanii dipadadi mana’, dilampak unturu’ tanan penaanNa Puang Matua, tu umpakedo mintu’na, situru’ lalan pa’inaanNa.

EFESUS 1:5

Tu diona pa’kaboro’Na anNa mangka ullampakki’ mendadi to Naanak tete dio Yesu Kristus, situru’ kamasorokanna pa’poraianNa,

MARKUS 10:15

Kukua mati’: Tonganna minda-minda tu tang susi pia’-pia’ untarima ParentaNa Puang Matua, la tama lennorika!

MATIUS 21:16

sia nakua lako Yesu: Mirangiraka tu kadanna te pia? Nakuami Yesu lako tinde tau: Kurangi tongan ia; apa tae’paraka mibasa lenni tu nakua: Dio mai pudukna pia’-pia’ sia pia’-pia’ ma’susupa inang Miparandanmo tu pa’pudi-pudian?

MATIUS 16:17

Mebalimi Yesu sia Nakua ungkuanni: Maupa’moko, e Simon, anakna Yunus! Belanna tangia mentolinona umpaombo’i lako kalemu tu iannato, sangadinna Ambe’Ku dao suruga.

PA’PUDIAN 8:2

O PUANG, o Puangki, tang pada mala’bi’na tu sangamMi lan mintu’ narande tana, Mipadaomo langi’ tu kamala’biramMi!

LUKAS 15:9

Iake naalami, natambaimi tu mintu’ sangbainena sia sangbanuanna sirampun nama’kada lako nakua: La parannu-rannuki’ sola, belanna kualamo tu sukungku misa’ pa’de.

LUKAS 15:5

Iake nakabu’tui, parannumi penaanna male ungkolongi.

ZEFANYA 3:17

Iatu PUANG, Kapenombammu, lan lu tangnga’mu, iamotu to lalong mangrampanan. La parannu tu Puang umposendeko, la umpakappa kaleNa tete dio pa’kaboro’Na; la mela’tek sia unnarrak umpopaimanko.

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

YESAYA 29:14

Iamoto angKu la umpalanda’i lako bangsa iate mai tu apa kalle-kallean, apa memangngan sia makalaen-laen, belanna iatu kakinaanna tu mai to kinaanna la pa’de, sia iatu tangnga’ kinaanna tu mai to unnampui tangnga’ kinaa la merrabunan.

YOHANES 11:41

Naberumi tau tu batu. Mentingarami tu Yesu anNa ma’kada Nakua. O Ambe’, ma’kurre sumanga’Na’ mati’, belanna MiperangiiNa’.

YESAYA 62:5

Belanna susi pia muane lolle’ umpobaine anak dara, susi dukato la sirampeangko to ma’tondok sia susito misa’ muane la diparampo ungkasinnai baine la narampanni kapa’, ten dukamoto tu Kapenombammu la umpopaimanko.

YESAYA 35:8

Sia inde to la den misa’ batatta marante, tu digente’ lalan maindan; moi misa’ to maruttak tae’ unnolai; sangadinna tau ia manna to mai umpolalanni, sia tang nalomban to lumio’ sia to baga.

PA’PUDIAN 25:14

Iatu kada rasianNa PUANG lu lako to ungkasiri’I, sia iatu basseNa la dipasombo lako.

PA’PUDIAN 24:1

Misa’ pa’pudian dio mai Daud. Iatu lino sola mintu’ issinna PUANG tu ampunna, iamotu tana kalua’ sia mintu’ apa tongkon lan.

MATIUS 3:7

Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?