LUKAS 10:2 - Sura' Madatu

² Nakuami lako: Tonganna buda tu bura padang, apa sidi’ri tu to ungkasara’i, dadi palakui langngan Puang ampunna bura padang, anNa sua tau ungkasara’i tu bura padangNa.

LUKAS 10:2 Referans Kwoze

1 TESALONIKA 5:12

E sangsiulurangku, kipalaku ammi bilangi tu mai to umposara’komi, sia umpanguluikomi tete dio Puang sia umpakilalakomi,

MARKUS 16:15

Nakuami ungkuanni tinde tau: Malemokomi lako mintu’na lino, mipa’peissananni tu Kareba-kaparannuan lako angganna issinna lino.

2 TIMOTIUS 4:5

Apa iatu iko mangingarangko lan mintu’na, pengkabatta’i tu kamaparrisan, pogau’i tu passanan tengko umpalolang Kareba-kaparannuan sia pasundunni tu pentoeammu.

2 TESALONIKA 3:1

Ma’katampakanna, e sang siulurangku, lamipassambayangankan, anna kalelean tu kadanNa Puang sia dipakala’bi’, susitu lalonamo lako kamu,

MARKUS 13:34

Iatu iannato susi misa’ to male lako padang mambela, untampe banuanna sia napakuasa tu mai kaunanna, sia pantan napatakoi pengkaranganna, anna mepasan lako to ma’kampa ba’ba, kumua anna ma’penanda-nanda.

1 TIMOTIUS 4:10

Belanna ia dukamo napobannang te angki tang ussa’ding ta’ka’ sia mengkulle-kulle, belanna umporannumokan Puang Matua matontongan, Iamo ungkatirinnai mintu’ tolino, ma’iringanna mintu’ to ma’patongan.

PENGGAURANNA RASULU’ 22:21

Nakuami ungkuanna’: Male bangmoko, belanna Aku ussuako male mambela indete lako to kapere’.

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

PENGGAURANNA RASULU’ 13:4

Iatonna suami Penaa Masallo’ malemi sola duai rokko Seleukia, na inde to dio mai namale massombaran lako Siprus.

PENGGAURANNA RASULU’ 13:2

Matangngamo tinde tau umpogau’ kamenomban langngan Puang sia ma’puasa, Nakuami Penaa Masallo’: PamarimbanganNa’ tu Barnabas sola Saulus, anna pogau’i tu pentoean Kupapatuanni.

PENGGAURANNA RASULU’ 11:19

Mintu’na tu to sisarak-sarak belanna pa’pakario-rio bu’tu, diona Stefanus, ma’lako-lakoan bang sae lako Fenisia sia Siprus sia Antiokhia, apa tae’ napalelei tu kadanNa Puang Matua lako misa’ duka tau sangadinna lako to Yahudi.

PENGGAURANNA RASULU’ 8:4

Iatu mintu’ to tisambo’-sambo’ mukkun sia male, mukkun umpa’peissanan Kareba-kaparannuan.

LUKAS 9:1

Natambaimi Yesu tu anak gurunNa sangpulo dua sirampun, Nabenni kamatotoran la ungkuasai mintu’ deata masussuk sia la umpasoro’ mintu’ saki.

MARKUS 16:20

Male nasangmi tinde tau sia ma’pangada’ umba-umba nii, Natundui Puang sia Napamatoto’ tu kada iato sisola tu mai tanda kalle-kallean unturu’i.

MATIUS 20:1

Belanna iatu Parenta Suruga susi to makaka, tu tae’pa bongi nasun la urra’ta’ sarona tu to la mengkarang lan pa’lak anggoro’na.

ZAKHARIA 11:17

Upu’ allona tu to mangkambi’ tae’ gai’na, tu umpopa’elo’na mintu’ dombana. Narampoimira pa’dang tu takia’na sia iatu mata kananna! La kope tu takia’na, anna maraun tu mata kananna.

YEREMIA 3:15

Aku la ungkamaseangkomi tu mintu’ to mangkambi’ tu naala penaangKu anna ia ungkambi’komi situang kapaissanan sia tangnga’kinaa.

FILIPI 2:25

Apa kusanga sipatu duka kusua mati’ tu Epafroditus, siulu’ku sia sangayokangku lan pentoeangku sia kaparariangku, tu to misua umparakaina’ lan kakurangangku,

FILIPI 2:21

Belanna pantan kalena manna natiroan, tangia diona Kristus Yesu.

1 KORINTUS 12:28

Napamanassamo Puang Matua ba’tu pira-pira tu tau lan kombongan, bunga’na rasulu’, ma’penduanna nabi, ma’pentallunna guru, namane penggauran kalle-kallean, namane pole’ pa’kamase ma’pamaleke, pentoean pa’tunduan, pentoean ma’parenta, ma’rupa-rupa pa’kamase diona basa.

KADIBILANGAN 11:17

La songlo’Na’ sia la sipa’kadaki’ inde to dio, angKu alai pira tu Penaa ta’pa dio kalemu, angKu patorroi dao tau iato mai, kumua ammi tanggungi sola tu tanggunganna bangsa iate, da naiko manna misa-misa untanggungi.

KOLOSE 1:29

Iamora kupomara’ta’ tu iannato, sia kupengkullei tongan, sitinaya kuasanNa, tu mawatang kedo lan kaleku.

FILIPI 2:30

Belanna diona pengkaranganNa Kristus anna sidi’ namate, untibe sunga’na la umpaganna’i tu apa kurang diona kamiparakaingku.

IBRANI 3:6

apa Kristus susi Anak ungkuasai makalima’na apa lan banuanNa Puang Matua; kitamorate tu apa lan banuanNa, podo ke tang tilelukki tu penaa batta’ta sia kapa’rannuananta, tu taposattuan (sae lako katampakanna).

1 TESALONIKA 2:9

Tu belanna mikilalai, e sangsiulurangki, tu kamara’tasangki sia kabo’yorangki, tu keallo kebongi mengkarangkan, kumua anna da miden misa’ duka kipamatana’, anna mangkamo kipa’peissanan lako kalemi tu Kareba-kaparannuanNa Puang Matua.

KOLOSE 4:12

Salama’na Epafras mati’ kalemi, iamo misa’ sangtondokmi sia taunNa Kristus, tu tontong mengkulle umpassambayangangkomi, kumua ammi bantang sia matakko sia unnampui kamanassan lan mintu’ pa’poraianNa Puang Matua.

2 KORINTUS 6:1

Apa iatu kami pada mengkarangna, kipalaku duka lako kalemi, da ammi tarima tang keangga’i tu pa’kamaseanNa Puang Matua.

1 KORINTUS 15:10

Apa belanna pa’kamaseanNa Puang Matua angku dadi susite totemo; sia iatu pa’kamaseanNa lako kaleku, tae’ anna tae’ bua’na, belanna ondongmo aku mara’takku na iatu mintu’i; apa tangngia aku, sangadinna pa’kamaseanNa Puang Matua tu urrondongna’.

ZAKHARIA 11:5

Iatu tau unnallii untunui, apa nasanga tae’ nasala’; iatu tau umbalukanni ma’kada nakua: Mintu’ kadipudian lu lako PUANG, belanna sugi’mo’; iatu mintu’ to mangkambi’na tae’ ungkasayangi.

1 DATU 18:22

Nakuami tu Elia lako tau buda: Aku mannamo tinampe tu nabinNa PUANG, apa iatu nabinna Baal, a’pa’ ratu’ llimangpulo.

KADIBILANGAN 11:29

Apa ma’kada tu Musa lako nakua: Mubirisan maro’ra umpoissan apangku? Dennoupa’ na iatu mintu’ taunNa PUANG mendadi nabi, belanna PUANG ungkamasei Penaanna ta’pa dao lu tau iato!

FILEMON 1:1

Iate sura’ lu dio mai Paulus, misa’ to ditarungku belanna Kristus Yesu, sia lu dio mai Timotius, siulu’ta, diparampo lako Filemon, tu kipakaboro’, sia sangayokaki lan pengkarangan,

PA’PUDIAN 68:11

Iatu tuntunanMi ma’baanan lan, o Puang Matua, diona kamasokanamMi amMi pasakkaran nasangmi to mandasa.

KADA OMBO’ LAKO RASULU’ YOHANES 2:1

Surasanni malaeka’ kombongan dio Efesus susite: Kumua iamote tu kada lu dio mai Puang tu untoe pitu bintoen lan lima kananNa, tu sumalong lu lako lu dio mai lan tangngana tu pitu tongkonan palita bulaan.