LUKAS 10:17 - Sura' Madatu

¹⁷ Sulemi tinde tau pitungpulo (ndua) parannu tongan penaanna, nakua: O Puang, moi deata masussuk mengkanorong dukamo lako kaleki, belanna sangamMi.

LUKAS 10:17 Referans Kwoze

ROMA 16:20

Na Puang Matuamora, tu oto’na kamarampasan, urru’puk-ru’pukki madomi’ tu deata bulituk diong to’ lentekmi. Denno upa’ anna pa’kamaseanNa Puangta Yesu urrondongkomi!

MARKUS 16:17

Mintu’nate tanda iate la urrondongi tu to ma’patongan: diona sangangKu anna la urrambai deata masussuk sia la ma’kada-kada umpobasa basa ba’ru;

LUKAS 9:1

Natambaimi Yesu tu anak gurunNa sangpulo dua sirampun, Nabenni kamatotoran la ungkuasai mintu’ deata masussuk sia la umpasoro’ mintu’ saki.

LUKAS 10:1

Undinna pole’oto Natandaomi Puang pitungpulo (ndua) tu to senga’, Nasua sida’dua-duai male dolo lako, ke misa’oi tondok sia inan la Nanii loo lako.

LUKAS 10:9

sia pamalekei tu mintu’nato masaki dio sia pokadai lako kumua: nareke’mokomi tu ParentaNa Puang Matua.

MATIUS 4:24

Tiseno-senomi karebanNa dio mintu’ lili’na tana Siria; nabaami tau lako Kalena tu mintu’ to mandalan sakinna, tu narua ma’rupa-rupa saki sia pa’di’, tu mai to natamai deata bulituk sia to ta’taran sia to kupi’; anNa pamalekei.

LUKAS 10:20

Apa da naparannu penaammi, belanna mengkanorong lako kalemi tu deata masussuk, sangadinna iari la napoparannu penaammi, tu disura’ lan suruga tu sangammi.

EFESUS 5:24

Iamoto, umba nakua tu kombongan tunduk lako Kristus, susi dukamoto tu mintu’ baine tunduk lako muanena lan mintu’na.