LUKAS 10:1 - Sura' Madatu

¹ Undinna pole’oto Natandaomi Puang pitungpulo (ndua) tu to senga’, Nasua sida’dua-duai male dolo lako, ke misa’oi tondok sia inan la Nanii loo lako.

LUKAS 10:1 Referans Kwoze

LUKAS 9:52

Nasuami tu pesuanNa dolo. Malemi tinde tau natama dio misa’ tondok to Samaria, la umparandananNi inan pa’bongian;

KADIBILANGAN 11:16

Ma’kadami tu PUANG lako Musa, Nakua: Rampunni lako Kaleku tu pekaamberan to Israel pitungpulo, tu mutandai kumua iamo pekaamberan sia pangulunna to buda; solanni lako Tenda Kasitammuan, ammu bendan sola tu tau iato mai.

LUKAS 1:76

Na iatu iko, e anakku, ikomo la disanga nabinNa Puang Patodoranna, belanna la doloko dio oloNa Puang umpasakkaranni lalanNa,

LUKAS 1:17

Ia duka bangsiamo la dolo dio oloNa umpopenaa penaanna Elia sola kamatororanna Elia, la umpapatui penaa mintu’ ambe’ lako anakna sia la umpabalik mintu’ to tang sopati lako kakinaanna to ma’bulo sanglampa, la umparandanan Puang Matua sangrapu to maparea tongan.

LUKAS 7:13

Iatonna tiromi Puang lako, mamasseng-massengmi untiroi, Nakuami lako: Damo mitumangi’!

YEHEZKIEL 8:11

Sia pitungpuloi tu pekaamberanna to Israel sisola Yaazanya, anakna Safan, dio tangngana tau iato mai, bendan dio tingayo patta iato; pada untangke pantunuan dupa, na iatu rambu busarungngu’na dupa kendek langngan.

LUKAS 7:19

Natambaimi Yohanes tu anak gurunna da’dua, nasuai male lako Puang la umpokadai, kumua: Kamumoraka tu la sae ba’tu den poleraka to senga’ misa’ sipatu la kipeagi?