LUKAS 1:76 - Sura' Madatu

⁷⁶ Na iatu iko, e anakku, ikomo la disanga nabinNa Puang Patodoranna, belanna la doloko dio oloNa Puang umpasakkaranni lalanNa,

LUKAS 1:76 Referans Kwoze

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

YOHANES 1:23

Nakuami: Akumote tu gamaranna to metamba-tamba dio padang pangallaran kumua: Ranteimi tu batattaNa Puang, susitu mangka napokada nabi Yesaya.

MATIUS 14:5

La moraimi Herodes umpatei, apa mataku’ siao lako to buda belanna inang nasanga tau nabi tu Yohanes.

MATIUS 3:3

Belanna ia bangsiamote tu napokadanna nabi Yesaya, kumua: Den gamaranna tau metamba-tamba dio padang pangallaran: Pasakka’mi tu batattaNa Puang, ranteimi tu lalanNa.

PENGGAURANNA RASULU’ 16:17

Undimi urrundu’ Paulus sia kami, nametamba-tamba nakua: Tau iamote mai tu taunNa Puang Matua patodoranna, tu umpokadangkomi lalan kamakarimmanan.

LUKAS 1:35

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

LUKAS 1:32

Iamo la kapuanna sia la digente’ Anak Puang Patodoranna sia la Nasorong Puang Kapenombanta lako Kalena tu isungan kapayunganna Daud nene’Na.

MARKUS 11:32

Na iake la takua: lu dio mai tolino –; mataku’ tinde tau lako to buda, belanna mintu’na tau ussangai nabi tongan tu Yohanes.

YOHANES 3:28

Kamu kalena duka sia ungkatottongina’, kumua mangkamo’ ma’kada susite: Tae’ na aku te tu Mesias, sangadinna: disuara’ undoloanNi.

YOHANES 1:27

Iamoto tu undi sae na aku, na moi ulang lapik lentekNa tang sipatuna’ la umbukai.

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

MATIUS 21:26

Na iake la takua: lu dio mai tolino, mataku’oki’ lako to buda, belanna mintu’i ussangai nabi tu Yohanes.

MATIUS 3:11

Tonganna aku undio’komi uai dikua ammi mengkatoba’, apa iatu To la sae undinna na aku, ondong Ia kuasanNa na aku; tang sipatuna’ la dadi to umbanni lapik lentekNa; Iamo la undio’komi Penaa Masallo’ sia api.

MALEAKHI 4:5

Tonganna la Kusua lako kalemi tu nabi Elia, ke tae’pi nasae tu allo tarompo’ metakuranNa PUANG.

PA’PUDIAN 87:5

Ondongpi tu Sion la nasa’bu’ tau kumua: Pada dadi lan nasangmo, na patodoranna Kalena umpamatoto’i.