LUKAS 1:72 - Sura' Madatu

⁷² kumua Nasundunni tu mamaseNa lako nene’ to dolota sia Nakilalai pole’ tu pangallu’ madatunNa;

LUKAS 1:72 Referans Kwoze

PA’PUDIAN 106:45

Sia belanna diona la napomelona tau iato mai, Nakilalaimi Puang tu basseNa, anNa maturu-turu sitinaya kamasokanan budanNa.

MIKHA 7:20

La Mipatiroan Yakub tu kamarurusan sia kamasokanan lako Abraham, susitu sumpaMi dolo-dolona lako nene to doloki.

SURA’ KATOMINAAN 26:42

attu iato la Kukilalai tu basseKu sola Yakub, sia iatu basseKu sola Ishak sia iatu basseKu sola Abraham la Kukilalai, sia la Kukilalai duka tu tondok.

ROMA 11:28

Iatu diona Kareba-kaparannuan uali ia tu tau iato tu belanna kamu; apa ianna diona kadipilean, dipakaboro’ ia tete dio nene’ to dolo.

YEHEZKIEL 16:60

Apa moi nasusito Kukilalai tu basseta, lan attu mangurammu, sia la untananKi’ misa’ basse matontongan sola.

KADADIAN 28:14

Iatu bati’mu la susi barra’-barra’ sia la tumale’ko lako matallo matampu’, rekke ulunna salu sia sau’ pollo’na uai, nalan kalemu sia lan bati’mu nanii tu mintu’ suku lan lino unnappa’ karongkosan.

KADADIAN 26:4

Sia la Kupopemba’ka’ tu bati’mu susi bintoen dao langi’ sia la Kuba’gian bati’mu mintu’ tana iate; lan bati’mu mintu’ bangsa lan te lino la unnappa’ karongkosan.

YEHEZKIEL 16:8

Attu iato lendu’Mo’ dio to’ muninna, angKu tiroko, tonganna matona’moko; Kuballa’mi tu biring bayu lamba’Ku dio kalemu, angKu samboi tu kama’kambelangammu, sia umpalaoNa’ sumpa ussibasseangko, kadanNa Puangta PUANG; nasusito dadimoko taungKu.

PA’PUDIAN 111:5

Naben kande lako tu to ungkataku’I; sia Nakilalai tu basseNa tontong sae lakona.

PA’PUDIAN 98:3

Nakilalai tu kamasokananNa, sia kamarurusanNa lako bati’na Israel, mintu’ duka lelean uran untiromo kamakarimmanan lu dio mai Kapenombanta.

KADADIAN 22:18

Anna lan mai tarukmu la nanii unnappa’ karongkosan mintu’ bangsa lan te lino, belanna mupengkaolai tu kadangKu.

KADADIAN 12:3

La Kuparongko’ minda-minda tu umpassakkeko sia la Kutampakki ropu minda-minda tu ullangdoko; lan duka kelemu nanii mintu’ suku lan te lino unnappa’ karongkosan.

PA’PUDIAN 105:42

Belanna nakilalai tu kada maseroNa, sia iatu Abraham, taunNa.

ROMA 9:4

iamotu mai to Israel tu unnampui kadianakan sia kamala’biran sia basse sia Sukaran aluk sia kamenomban sia mintu’ pangallu’,

1 OSSORANNA DATU 16:16

iamotu basse Napantok sola Abraham, Sia sumpaNa lako Ishak.