LUKAS 1:53 - Sura' Madatu

⁵³ Iatu to tangdia’ Napedia’i ianan, na iatu to sugi’ Nasua sule lo’bang.

LUKAS 1:53 Referans Kwoze

LUKAS 6:21

Maupa’komi tu tangdia’na totemo, belanna la dipedia’ikomi. Maupa’komi tu tumangi’na totemo, belanna la metaakomi undinna.

PA’PUDIAN 34:10

Kasiri’I, tu PUANG, e mintu’ to masallo’Na, belanna tae’ misa’ kapu’duranna tu to ungkasiri’I.

LUKAS 6:24

Apa upu’ allomi, e to sugi’, belanna mialamo tu kamanamanammi.

MATIUS 5:6

Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

1 KORINTUS 1:26

Tiro bangmi, e kamu siulu’ku, tu diona kamu tommi ditambai, kumua tae’ra mibuda paissan, ke pentiro lino, sia tae’ mibuda to paa sia tae’ mibuda to kapua;

YOHANES 6:35

Nakuami Yesu lako tinde tau: Akumote tu roti katuoan. Minda-minda tu sae lako Kaleku, tae’mo nala tangdia’ len, sia minda-minda tu umpatonganNa’, tae’mo nala ma’rang len.

1 SAMUEL 2:5

Iatu to dia’ undaka’ saroan kande unnappa’ kande, anna iatu to tangdia’ ma’din melayo. Iatu to tamanang la kianak sae lako pempitu, anna iatu to makianakan la madodong bangmo.

1 KORINTUS 4:8

Manassa dia’mokomi sia manassa sugi’mokomi sia tang bannang dio kami mimendadi datu. Ha’a, lendu’ ia parannungku ke dadi datukomi, anta dadi datu sola!

YEHEZKIEL 34:29

La Kupakendekan bura padang kalelean tu tau iato mai, naurunganni tae’mo tau lan tondok iato nabaa karorian sia tae’mo la umpassanni tu pelo’bona mintu’ bangsa.

PA’PUDIAN 146:7

To ussanda tonganni to dipandasa, sia umben kande to topo, PUANG urrampanan to dirante bassi.

LUKAS 1:54

Nasande’mo tu Israel taunNa, la ungkilalai pole’ kamamaseanNa, –