LUKAS 1:46 - Sura' Madatu

⁴⁶ Nakuami tu Maria: Deatangku umpekalangka’I Puang Matua

LUKAS 1:46 Referans Kwoze

PA’PUDIAN 35:9

Iatu deatangku mela’tek dio PUANG, sia la sende paiman diona kadilendokan lu dio mai Kalena.

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

1 KORINTUS 1:31

kumua anna susitu disura’na, nakua: Minda-minda tu massattuan, la massattuan tete dio Puang.

FILIPI 4:4

Tontongkomi parannu tete dio Puang, kutolepa pissan kupokada kumua: parannukomi.

ROMA 5:11

Sia tangia manna to, sangadinna ussattuan poleki’ Puang Matua tete dio Puangta Yesu (Kristus), apa belanna Iari anta kabu’tui kasikaeloan totemo.

YESAYA 45:25

Lan PUANG dinii ussanda-tonganni sia la nanii massattuan tu mintu’ bati’na Israel.

1 PETRUS 1:8

tu tae’ bangpa mikitaI, apa mikamaseimo; moi anna tae’ mitiroI totemo, apa mipatongan sia Ia mipobannang sende paiman sitonda kaparannuan tang dilambi’ dipokada sia dipakala’bi’na,

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

2 KORINTUS 2:14

Apa kurre sumanga’na langngan Puang Matua, tu tontong umpasonglo’kan lan mai pa’telangan la male lumiling tama tondok belanna kapataloan tete dio Kristus sia umpatitantan busarungngu’na kaditandaianna Kristus diona kadangki dio lu mintu’ inan.

1 TESALONIKA 5:23

Anna Puang Matuamora tu oto’na kamarampasan, umpamasero tangkarauangkomi; anna makalima’na penaammi sia deatammi sia batang kalemi la makarimman, naurunganni tae’ attanganna ke attu kasaeannami Puangta Yesu Kristus.