LUKAS 1:43 - Sura' Madatu

⁴³ Matumbara’ na iatu indo’na Puangku sae umpellambi’ina’?

LUKAS 1:43 Referans Kwoze

YOHANES 20:28

Mebalimi Tomas sia nakua lako: O Puangku sia Kapenombangku.

FILIPI 2:3

Moi misa’ da mipogau’i situru’ katuo-misan ba’tu matampo, sangadinna situru’ penaa madiongan, pantan ussanga kalena madiong anna to senga’,

LUKAS 2:11

kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

PA’PUDIAN 110:1

Pa’pudianna Daud. Susite tu kadanNa PUANG lako Puangku Nakua: Nno’ko’Ko dio kananKu, sae lako Kupopengkanorongna nasang tu mai ualimMu Mupolilli’ lentek.

1 SAMUEL 25:41

Ke’de’mi tu Abigail anna tukku sae rokko padang, nakua: Melo ke ia te taunna puang mendadi kaunan la umbasei lette’na taunna puangku.

FILIPI 3:8

Tonganna mintu’na kusanga karugian nasang, belanna kapaissanan diona Kristus Yesu, Puangku undaoanni tu mintu’na iannato. Bannang dioRi angku perasai karugian dio mintu’na, sia kubilang romon nasang, dikua anNa Kristus kuporongko’,

YOHANES 13:13

Kamu te misa’bu’ GuruNa’ sia Puang, natonganna tu kadammi, belanna Aku tonganmo.

LUKAS 7:7

iamoto kusanga duka iatu kaleku tang sipatu la umpessitiroi Puang, sangadinna pokada bangmi sangbuku tu kada, manassa napomaleke kaunanku.

MATIUS 3:14

Apa natumpu Yohanes tu diongna penaanNa sia nakua: Akuri la Midio’, ma’apai anna Kamu la sae lako kaleku!

RUT 2:10

Tukkumi tu Rut menomba rokko padang anna ma’kada lako nakua: Ma’apai mipa’pekitananni tu kamaturu-turuammi lako kaleku, miurunganni untirona’, moi angku misa’ to sae?

MATIUS 12:46

Marassan bangsia tu Yesu sipa’ulelean tu to buda, Nakitai tu indo’Na sia siulu’Na ke’de’ dio salian la morai ussipa’kadanNi.

LUKAS 1:42

Napemandui metamba, nakua: Sundunmo rongko’mu dio mintu’na baine sia sundunmo rongko’na tu pangluang inan taummu.

LUKAS 1:44

Apa tonganna iatonna tilanta’mo lan talingangku tu passalama’mu, pandiumi tu pia’-pia’ lan inan taungku, belanna parannu penaanna.