LUKAS 1:17 - Sura' Madatu

¹⁷ Ia duka bangsiamo la dolo dio oloNa umpopenaa penaanna Elia sola kamatororanna Elia, la umpapatui penaa mintu’ ambe’ lako anakna sia la umpabalik mintu’ to tang sopati lako kakinaanna to ma’bulo sanglampa, la umparandanan Puang Matua sangrapu to maparea tongan.

LUKAS 1:17 Referans Kwoze

MATIUS 11:14

Sia iammi tarimai to: Iamora Elia la sae to.

LUKAS 1:76

Na iatu iko, e anakku, ikomo la disanga nabinNa Puang Patodoranna, belanna la doloko dio oloNa Puang umpasakkaranni lalanNa,

YOHANES 3:28

Kamu kalena duka sia ungkatottongina’, kumua mangkamo’ ma’kada susite: Tae’ na aku te tu Mesias, sangadinna: disuara’ undoloanNi.

PA’PUDIAN 78:8

Sia da nasusi nene’ to dolona tu tau iato mai, iamotu misa’ osso’ matoro sia battuk, iamotu misa’ osso’ tang ma’to’ tu penaanna, sia tae’ anna la’ka’ lako Puang Matua tu penaanna.

1 OSSORANNA DATU 29:18

O PUANG, Kapenombanna Abraham, Ishak na Israel, nene’ to doloki, pamanda’i te pa’inaan iate lan penaanna taumMi sae lakona sia popengkaolai tu penaanna tau iato mai lako Kalemi.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

KOLOSE 1:12

ma’kurre sumanga’ langngan Ambe’, tu umpasipato’komi untamai mana’na to masallo’ lan inan masero.

PA’PUDIAN 111:10

Iatu ungkataku’ PUANG oto’na mintu’ kakinaan; minda-minda umpogau’i susito, iamoto kinaa. Sia iatu kadipudianNa tontong sae lakona.

2 TIMOTIUS 2:21

Iamoto, iake den tau umpamasero kalena dio mai tu tang maserona, iamoto tu dadi oongan diangkaran lako mala’bi’na, tu mangka dipamaindan, sipato’ napake puangna, sia sakka’ la diangkaran lako mintu’ pentoean maelo.

YESAYA 29:24

Attu iato iatu to pusa penaanna la paissan sia mintu’ to ma’paropo’ la untarima pangadaran.

ROMA 9:23

Iamo Napogau’i susito kumua la Napa’peissanan tu kasugiran kamala’biranNa lako apa nanii kamaturu-turuan, tu Naparandanan dolomo kamala’biran?

PENGGAURANNA RASULU’ 10:33

Iamoto kusua tu tau untambaikomi; kurre sumanga’na misaemo. Iamoto angki dio nasang ren indete totemo dio oloNa Puang Matua la umperangii tu mintu’ apa Napepasanan Puang lako kalemi.

YOHANES 1:34

Kukitamo angku katottongi kumua Iamo te tu AnakNa Puang Matua.

YOHANES 1:13

tu kombong tang lu dio mai rara sia tang lu dio mai kasikamaliranna kale sia tang lu dio mai kamoraianna muane, sangadinna lu dio mai Puang Matua.

LUKAS 1:16

Sia buda tongan tu to Israel la napasule lako Puang Kapenombanna.

MATIUS 14:4

Belanna mangkamo ma’kada lako Herodes tu Yohanes nakua: Pemali ke mipobainei.

AMOS 4:12

Iamoto la Kupasusi dukako to, e Israel. Belanna la Kupasusikoto, – la ma’parandanko la sitammu Kapenombammu, e Israel.

PA’PUDIAN 10:17

O PUANG, Miperangiimo tu pa’poraianna to umpamadiongan penaanna; Kamu umpabatta’i tu penaanna sia Kamu untananni talinga,

2 OSSORANNA DATU 29:36

Parannu-rannumi tu Hizkia sia mintu’ to buda tu diona apa mangka Naparandan Puang Matua lako taunNa, belanna madoi’ lalo te apa iate.

1 DATU 21:20

Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

1 YOHANES 2:28

Totemo te, e anakku, manda’komi lan Kalena, kumua iake dipasombomi, la unnappa’ki’ kabattaran sia tae’ tala kasirisan dio oloNa, ke attu kasaeanNa.

MATIUS 3:4

Iatu pakeanna Yohanes bulu unta, sia iatu salipi’ lan ayakna balulang, anna iatu kandena batik sia tallo’ merang pangala’.

2 DATU 1:16

Ma’kadami tu Elia lako datu nakua: Inde sia tu kadanNa PUANG: Belanna mesuako mekutana lako Baal-Zebub, deata to Ekron – tae’raka tu Puang Matua dio lu to Israel, tu ma’din minii undaka’ pa’timbangan – iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

1 DATU 18:18

Mebalimi nakua: Tae’ kupamandasai tu to Israel, sangadinna kamu kalena sia sangdadianna ambe’mi, belanna umboko’ikomi pepasanNa PUANG, ammi pengkaolai tu mintu’ Baal.

1 SAMUEL 7:5

Mangkato nakuami Samuel: Rampunni tu mintu’ to Israel lako Mizpa, angku pengkamoyangkomi lako PUANG.

MATIUS 3:3

Belanna ia bangsiamote tu napokadanna nabi Yesaya, kumua: Den gamaranna tau metamba-tamba dio padang pangallaran: Pasakka’mi tu batattaNa Puang, ranteimi tu lalanNa.