LUKAS 1:14 - Sura' Madatu

¹⁴ Dadi la mulambi’ tonganmo tu kaparannuan sia kasende-sendean sia buda tau la umpopaimanni tu kadadianna.

LUKAS 1:14 Referans Kwoze

LUKAS 1:58

Mintu’na to sikandappi’na tiku lao sia mintu’na sangdadianna urrangii, kumua Napakapuamo Puang Matua tu kamamaseanNa lako, dadi menturu’ duka tu tau parannu penaanna.

SARAMBU PEADA’ 23:24

Iatu ambe’na to malambu’ la parannu tongan, minda-minda undadian pia kinaa la naposende.

SARAMBU PEADA’ 15:20

Misa’ pia muane kinaa umpaparannu ambe’na, apa iatu tobaga umpamatuna indo’na.

KADADIAN 21:6

Nakuami Sara: Napopetaana’ Puang Matua, naurunganni mintu’ tu to urrangii la kusolan metaa.

SARAMBU PEADA’ 23:15

E anakku muane, iake kinaai tu penaammu, manassa ia duka tu penaangku la parannu.

LUKAS 1:13

Apa nakua tu malaeka’ lako: Da mumataku’, Zakharia, belanna ditarimamo tu palakummu; iatu bainemu Elisabet la napadadiangko misa’ pia muane, la musangai Yohanes.

LUKAS 1:15

Belanna ia la kapua dio oloNa Puang sia tae’ nala unniru’ uai anggoro’ ba’tu apa palangona ke diiru’i sia iamo la Naponnoi Penaa Masallo’ tempon dio mai natambukna indo’na.

YEREMIA 20:15

Tampak ropu tu to umparampo kareba melo lako ambe’ku, kumua: Napadadiammoko misa’ pia muane. Mandu napopaiman ambe’ku tu kareba iato.