LUKAS 1:13 - Sura' Madatu

¹³ Apa nakua tu malaeka’ lako: Da mumataku’, Zakharia, belanna ditarimamo tu palakummu; iatu bainemu Elisabet la napadadiangko misa’ pia muane, la musangai Yohanes.

LUKAS 1:13 Referans Kwoze

PENGGAURANNA RASULU’ 10:31

nakua: E, Kornelius, ditarimamo tu passambayangmu, sia Napengkilalai Puang Matua tu pa’kamaseammu.

1 SAMUEL 2:21

Natontongi rupami PUANG tu Hana, anna ma’tambuk pole’, nadadian pia muane tallu anna baine da’dua. Iatu Samuel, pia iato, sakapua-puana torro dio oloNa PUANG.

PA’PUDIAN 113:9

Iatu to tamanang lan tananan dapo’na Napatulangdan Napoindo’ ba’tu pira-pira pia anna parannu paiman. Haleluya!

KADADIAN 25:21

Iatu Ishak malaku tongan langngan PUANG diona bainena, belanna tamanang: Napalalomi PUANG tu palakunna, ma’tambukmi tu Ribka, bainena.

LUKAS 2:21

Iatonna ganna’mo karua allona tinde Pia, la disunna’mi, disangai dukami Yesu, susitu nasanganni malaeka’, tonna tae’pa natambukki indo’na.

PA’PUDIAN 118:21

KupudiKomi belanna Mitanannimo’ talinga, sia Kamumo oto’na kamakarimmanangku.

KADADIAN 18:14

Denraka apa tang dadi ke PUANG? Iake attu susite taun pole’ la saeNa’ lako kalemu, la denmo pia muane nadadian Sara.

MATIUS 14:27

Apa ta’pa Napa’kadai Yesu, Nakua: Parapa’i tu penaammi, Akumote anna, da mimataku’.

KADADIAN 17:19

Nakuami Puang Matua: Tonganna tongan, iatu Sara bainemu la napadiongko misa’ pia muane, la musangai Ishak, la Kutanan tu basseKu sola, iamotu misa’ basse matontongan, lako mintu’ bati’na undinna.

MATIUS 28:5

Ma’kadami tu malaeka’ sia nakua lako tu baine; Da mimataku’, belanna kuissan kumua undaka’komi Yesu, tu dia’ta’.

DANIEL 10:12

Ma’kadami lako kaleku nakua: Da mumataku’, e Daniel, belanna randuk dio mai allo bunga’na muparinaai la morai unnissanni sia umpamadiongan penaammu dio oloNa Kapenombammu, dirangimo tu kadammu sia saemo’ bannang dio kadammu.

TO PARENGNGE’ 6:23

Apa ma’kada tu PUANG lako, Nakua: Makarimmanko, da mumataku’ tae’ mula mate.

KADADIAN 17:10

Iamote tu basseKu tu pato’ mikaritutui, tu Kutanan lan tangngata sia lako bati’mu undinna, iamotu mintu’ muane la disunna’.

LUKAS 1:30

Nakuami tu malaeka’ lako: Da’ mumataku’, e Maria, belanna mulambi’mo tu kamamasean dio mai Puang Matua.

YESAYA 8:3

Sangampa’mo’ nabi baine, anna ma’tambuk sia undadian misa’ pia muane. Nakuami tu PUANG ungkuanna’: La musanga: Maher-Syalal, Hash-Bas.

HOSEA 1:6

Ma’tambuk pole’omi tu baine iato anna dadian misa’ pia baine. Ma’kadami tu Puang lako kalena, Nakua: Sangai Lo-Ruhama, belanna tae’mo Kula ungkamasei tu bati’na Israel, Kuurunganni tang umpa’dei tu salana, moi misa’ duka.

HOSEA 1:4

Ma’kadami tu PUANG lako kaleku Nakua: La musangai Yizreel, belanna tae’mo nala masai angKu pembalaranni tu rarana Yizreel lako bati’na Yehu, sia angKu pa’dei tu kadatuanna bati’na Israel.

MARKUS 16:6

Nakuami tinde to mangura lako: Da mitiramban; undaka’komi Yesu to Nazaret, tu mangka dia’ta’. Malimbangunmo Ia, tae’mo Ia naindete; tiromi tu naninna tau umpatorroI.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

LUKAS 1:14

Dadi la mulambi’ tonganmo tu kaparannuan sia kasende-sendean sia buda tau la umpopaimanni tu kadadianna.