LUKAS 1:11 - Sura' Madatu

¹¹ Payanmi lako kalena tu malaeka’Na Puang Matua misa’ bendan dio kanan meda dinii memala’ mangrambu tagari.

LUKAS 1:11 Referans Kwoze

TO PARENGNGE’ 13:3

Ombo’mi tu Malaeka’Na PUANG lako baine iato anna ma’kada lako, nakua: Manassa tamanangko sia tae’ mukianak, apa la ma’tambukko, ammu dadian misa’ pia muane.

KADA OMBO’ LAKO RASULU’ YOHANES 9:13

Iatu malaeka’ ma’pennannanna umpannoni tarompe’ puana, angku rangi misa’ gamara sun lan mai tu a’pa’ tanduk inan pemalaran bulaan dio oloNa Puang Matua,

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

PENGGAURANNA RASULU’ 5:19

Apa nabungka’ malaeka’Na Puang tu ba’ba pa’tarungkuan tonna bongi, natassu’i lan mai sia nakua:

LUKAS 2:10

Nakuami tu malaeka’ lako: Da mimataku’, belanna la kupokadangkomi kaparannuan kapua tu dipadenan angganna tolino,

LUKAS 1:28

Tonna tamamo tu malaeka’, nakuami lako: Kurre sumanga’mu, e to dikamasei la Narondongmoko Puang Matua.

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

TO PARENGNGE’ 13:9

Naperangiimi Puang Matua tu pengkamoyana Manoah, iamoto nasae pole’ tu Malaeka’Na Puang Matua lako baine iato, tonna dio pa’lak, apa iatu Manoah, muanena tae’ nadio sola.

SURA’ KATOMINAAN 16:13

Iatu dupa iato la napatama to’ api dio oloNa PUANG, naurunganni iatu rambu dupa ussamboi tutu’ pebase kasalan, tu daona lu kasa’bian, da namate.

LUKAS 2:9

Tiramban denmi misa’ malaeka’Na Puang Matua bendan dio tingayona tu to manglaa sia natikui arrang maseroNa Puang Matua, dadi lendu’mi mataku’na sola nasang.