KOLOSE 4:8 - Sura' Madatu

⁸ Tu kusua mati’ kalemi tu belanna iannate, ammi issanni tu diona kami, sia kumua anna pakatanai tu penaammi.

KOLOSE 4:8 Referans Kwoze

EFESUS 6:22

Iannamora to angku suai mati’ dikua ammi issanni tu torro ke’de’ki sia dikua la umpakatanai tu penaammi.

KOLOSE 2:2

dikua anna dipakatana penaanna sia dipasikala’ lan pa’kaboro’, napoulangi ullambi’ kasugiran kapaissanan matarru’, tu ungkanassai sia untandai tonganni, naurunganni untandai tu apa tang paanNa Puang Matua, iamotu Kristus.

2 TESALONIKA 2:17

umpakatana penaammi sia umpabatta’komi lan mintu’ penggauran sia kada maelo.

1 TESALONIKA 5:14

E sangsiulurangku, kipalaku ammi pakilalai tu mai to tang unturu’ parenta, pabatta’i tu mai to ranggang penaanna, tundui tu mai to malamma’, pama’tananni penaa tu mintu’ tau.

1 TESALONIKA 5:11

Iamoto dadi sipakilalakomi sia sipabatta’komi lan kapatonganammi, susitu mipogau’na siamo.

1 TESALONIKA 4:18

Iamoto la sipakatanakomi unnoong kada iate.

1 TESALONIKA 3:5

Iamo bannangnato, natae’ tonganmo kutananni tu mamali’ku, kusuami mati’, kumua angku issanni tu kapatonganammi, belanna magiangna’, kumua mangkamokomi manii naroso to paroso, anna lao salamo tu kamara’tasangki.

1 TESALONIKA 3:2

Angki sua Timotius siulu’ta, iamo misa’ to ma’kamayanNa Puang Matua lan kadipalolanganna Kareba-kaparannuanNa Kristus, la umpakananna’ sia umpakilalakomi diona kapatonganammi,

1 TESALONIKA 2:11

Susitu miissan, umba kikua umpakilala simisa’komi, butung misa’ ambe’ lako anakna;

FILIPI 2:28

Iamoto angku pakadomi’i kusua mati’, dikua anna parannu penaammi sule ke sitirokomi sia anna maringngan-ringngan duka tu kamasussangku.

2 KORINTUS 12:18

Kupalakumo tu Titus male mati’, angku suai tu mai siulu’ta male sola. Mangkarokomika napesaroi Titus? Tangiaraka tu Penaa misa’ kipeolai sola dua? Tang lalan lenteknaraka tu kipemalutu?

2 KORINTUS 2:7

Sangadinna sipatu la mipagarri’ kasalanna sia mipakatana, da anna bonnongi kamasussan kapuana.

2 KORINTUS 1:4

tu umpakatanaki’ lan mintu’ kamaparrisanta, kumua anta ma’din umpakatananni to nalambi’ ma’rupa-rupa parri’ tu pa’pakatana mangka Napakatanangki’ Puang Matua.

1 KORINTUS 4:17

Iamo bannangna to angku suai lako kalemi tu Timotius, tu anak pa’kaboro’ku sia maruru’ diona Puang; iamo la umpakilalakomi tu diona mintu’ lalanku lan Kristus (Yesu) susitu kupa’pangadaranna lan lu mintu’ kombongan to Sarani la umba-umba nii.

YESAYA 40:1

Pakatanai, pakatanai tu taungKu, kadanNa Kapenombammi.