KOLOSE 4:3 - Sura' Madatu

³ Ammi passambayangan dukakan, anNa bungkarangkan lalan Puang Matua la umpalolang Kareba-kaparannuan, angki pokadai tu rasianNa Kristus, tu kupobannang te dirante bassi.

KOLOSE 4:3 Referans Kwoze

PENGGAURANNA RASULU’ 14:27

Iatonna sae lako, narampunmi tu to Sarani, nauleleananni tu mintu’ apa Napogau’ Puang Matua urrondongi sia kaNabungkaranna Puang Matua tu ba’ba kapatonganan lako to kapere’.

KOLOSE 1:26

tu rasia tu marra’ tempon dio mai sia disituran-turananni, apa dipasombo lako tu mai to masallo’Na.

2 KORINTUS 2:12

Iatongku saemo lako Troas la umpa’peissanan Kareba-kaparannuanNa Kristus, tongku dibungkaran lalan misa’ tete dio Puang,

2 TIMOTIUS 2:9

Belanna iamira tu iannato angku perasai kamaparrisan, kuurunganni dirante bassi butung to sala’ kedo, apa iatu kadanNa Puang Matua tae’ nabelai dirante bassi.

FILIPI 1:7

Inang sipato’na’ la ma’timbang susito tu diona kamu sola nasang, belanna kupalan ara’komi, pa kamu sola nasang pada-padaki’ unnappa’ pa’kamasean, la iatongku dirante bassi, la iatongku umpebalian sia umpamanassai tu Kareba-kaparannuan.

EFESUS 4:1

Iamo bannangnato, anna aku te to dirante bassi belanna Puang malaku lako kalemi, kumua ammi pasitende’i gau’mi tu petamba ditambangkomi.

1 KORINTUS 16:9

Belanna dibungkarammo’ misa’ ba’ba kapua nanii katiakkaran penaa, sia buda bali dio.

1 KORINTUS 4:1

Iamoto sipatu tu tau la umbilangkan taunNa Kristus sia to ungkaritutui rasianNa Puang Matua.

1 TESALONIKA 5:25

E sangsiulurangku, passambayangankanni.

MATIUS 13:11

Mebalimi sia Nakua ungkuanni tu tau: Iatu kamu dibenkomi pa’kamasean la unnissanni tu rasia diona Parenta Suruga, apa iatu mati’ tau tae’ ia dikamaseanni.

FILEMON 1:22

Sipoduanna to, la mupasakkaranna’ inan kunii ma’bongi, belanna kurannuan diona passambayangmi angku dipa’kamasean sule lako kalemi.

FILIPI 1:19

Belanna kuissan, kumua iatu iannato la napalulakona’ kamakarimmanan tete di passambayangmi sia pa’tunduanNa PenaanNa Yesu Kristus,

2 TIMOTIUS 1:16

Anna Puangmora umpa’kamasean kamamasean lako to lan banuanna Onesiforus, belanna ba’tu pempiran-pirammo umpakatana penaangku, sia tae’ napomasiri’i tu rante bassingku,

EFESUS 3:1

Iamora bannangnato anna aku te Paulus, to dirante bassi diona Kristus Yesu belanna to kapere’,

ROMA 16:25

Anna lako Puang unnampui kakuasan umpabatta’komi situru’ Kareba-kaparannuan kupa’pangadaran sia situru’ kadipa’peissananna Yesu Kristus, susi kadipapayananna rasia tang dipatia’tik tempon dio mai,

EFESUS 3:3

tu kumua iatu rasia dipasombomo lako kaleku lan pa’paombo’ susitu kusura’ kondi’ bang dao.

EFESUS 3:4

Iammi basai to, ma’dinmo mitandai tu kaunnissanangku rasia diona Kristus,

EFESUS 3:9

sia umpamanassai lako mintu’ tau tumba tu diona umpalolang rasia tu tempon diomo mai kabunian bang lan Puang Matua, To umpadadi mintu’ angge maritik,

KOLOSE 4:18

Anna salama’ku, Paulus, tu lalan limangku kalenamo te. Palan ara’i te rante bassingku. Narondongmorokomi pa’kamaseanNa Puang Matua.

2 TIMOTIUS 4:2

Palolangi tu kada iato, matoto’ko umparampoi, la iake nakamorai la iake nakanokai tau, pakanassanni tu salana tau, ta’tanni, pakilalai situru’ kama’tanan penaa sia situru’ pangadaran.