KOLOSE 4:12 - Sura' Madatu

¹² Salama’na Epafras mati’ kalemi, iamo misa’ sangtondokmi sia taunNa Kristus, tu tontong mengkulle umpassambayangangkomi, kumua ammi bantang sia matakko sia unnampui kamanassan lan mintu’ pa’poraianNa Puang Matua.

KOLOSE 4:12 Referans Kwoze

ROMA 15:30

Apa kupakilalakomi, tete dio Puangta Yesu Kristus sia tete dio pa’kaboro’Na Penaa Masallo’, (e kamu siulu’ku), pengkullei umpassambayanganna’ lako Puang Matua,

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

FILEMON 1:23

Iatu Epafras, padangku ditarungku belanna Kristus Yesu, umparampo salama’na lako kalemu,

KOLOSE 1:28

tu kipa’peissanan, angki pakilala simisa’i tu tau sia kiada’i situru’ mintu’ kakinaan, kikua angki popennolo simisa’i tu tau natae’mo sayuanna lan Kristus.

KOLOSE 1:7

susitu mangka mipelada’i dio mai Epafras, sangayoka pa’kaboro’ lan pengkarangangki, tu tau maruru’Na Kristus belanna kamu.

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

GALATIA 4:19

E kamu anakku, belanna kamu angku perasai pa’di’ butung to mangurria’, anna ma’rupa tu Kristus lan kalemi.

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.

ROMA 15:14

E kamu siulu’ku, aku kalena te kukatappa’i tu diona kamu, kumua kamu duka ponnokomi kamasokanan sia untambuk mintu’ kapaissanan, sia malute dukakomi pada sipakilala.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,

IBRANI 5:14

Apa iatu kande makarra’, iamo taana to matakko, tu to biasa umpatumbang tangnga’na anna belai umpasisengaran melo na kadake.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

KOLOSE 1:22

apa totemo mangkamokomi Napasikaelo diona kamateanNa lan kale tolinoNa, la umpopennolo maserokomi sia tae’ attanganmi sia sayuammi dio oloNa Puang Matua,

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

1 KORINTUS 14:20

E, kamu siulu’ku, da mimapia-pia lan tangnga’mi, sangadinna lan kakadakean sipatukomi la mapia-pia; apa lan tangnga’mi sipatukomi la matona’.

1 KORINTUS 2:6

Iatu kakinaan kipokada duka dio lu to sundun kapatongananna. Apa tangia kakinaanna te lino sia tangia kakinaanna pangulunna te lino, tu la diputtai undinna,

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

MATIUS 5:48

Iamoto dadi la tae’ sayuammi, susi Ambe’mi dao suruga tae’ sayu-sayuanNa.

YAKOBUS 5:16

Iamoto sipatukomi la sipangakuan kasalammi sia la sipassambayangankomi, ammi maleke. Iatu passambayangna to malambu’, tu napalantuk penaa, kapua kamatotoranna.

YAKOBUS 1:1

Salama’ dio mai aku, Yakobus, taunNa Puang Matua sia taunNa Puang Yesu Kristus, diparampo lako sangpulo dua sukunna bangsa to naala bilanganna to tisambo’.

1 TESALONIKA 5:23

Anna Puang Matuamora tu oto’na kamarampasan, umpamasero tangkarauangkomi; anna makalima’na penaammi sia deatammi sia batang kalemi la makarimman, naurunganni tae’ attanganna ke attu kasaeannami Puangta Yesu Kristus.

LUKAS 22:44

Lanmo kamaparrisan kapua na samukkun-mukkunNa massambayang. Sia iatu ma’pu’Na, susito rara pantan to’do rokko padang.

LUKAS 1:1

Tonganna budamo tu tau umparanduk-randukki untonoranni uleleanna mintu’na tu sundunnamo manassana lako kaleki,

KOLOSE 1:29

Iamora kupomara’ta’ tu iannato, sia kupengkullei tongan, sitinaya kuasanNa, tu mawatang kedo lan kaleku.

KOLOSE 4:9

Sola Onesimus, siulu’ maruru’ sia dipakaboro’, tu sangtondokmi. Iamo sola duai la umpokadangkomi tu apa dadi inde.

YAKOBUS 1:4

Sipatu tu kabantangan la landa’ lako ma’kalolokanna, dikua ammi sundun sia tang attangan, nalan mintu’nato tae’mo sayuammi.