KOLOSE 4:10 - Sura' Madatu

¹⁰ Salama’na Aristarkhus mati’ kalemi, padangku ditarungku, sia dio mai Markus, sampunna Barnabas – dionamo tau iato tu mangka dipasanangkomi; ianna sae mati’ tarimai –,

KOLOSE 4:10 Referans Kwoze

FILEMON 1:24

sia Markus, Aristarkhus, Demas na Lukas, tu kusisangayokan lan pengkarangan.

2 TIMOTIUS 4:11

Lukas mannamo kusolan. Tambai tu Markus musolanni, belanna kapua patunna lako kaleku lan pentoean iate.

PENGGAURANNA RASULU’ 19:29

Lendu’mi marukkana lan tondok iato, na sama turu’ tu tau sikarumun tama’ to pengkitan, nala’ka’i tu Gayus sola Aristarkhus, to Makedonia, sibanna Paulus.

PENGGAURANNA RASULU’ 27:2

Kendekmokan langngan kappala’ dio mai Adramitium, la male urrundunan randan tasik dio Asia, angki ke’de. Iatu kisisolan Aristarkhus, to Makedonia dio mai Tesalonika.

PENGGAURANNA RASULU’ 20:4

Laomi nasolan sia Sopater, anakna Pirus to dio mai Berea, sia Aristarkhus sola Sekundus to dio mai Tesalonika sia Gayus to dio mai Derbe sia Timotius sia Tikhikus sia Trofimus to dio mai Asia.

PENGGAURANNA RASULU’ 12:12

Iatonna mangka untangnga’i tu iannato, malemi lako banuanna Maria, indo’na Yohanes, tu diganti Markus; inde to dio den tau buda sirampun marassan massambayang.

1 PETRUS 5:13

Iatu kombongan dio Babel, tu ditonno’ susi kamu, umparampo salama’na lako kalemi, susi duka anakku Markus.

ROMA 16:7

Salama’ku lako Andronikus sia Yunias, sangsukungku sia sibangku lan pa’tarungkuan, tu kabilangan lako padanna rasulu’, sia dolo ia umpatongan Kristus na aku.

ROMA 16:2

Tarima marampa’i belanna Puang, susitu sipato’na siamo lako to masallo’ sia tundui tu naninna mekatulung lako kalemi. Belanna budamo tau natundui sia kaleku duka.

PENGGAURANNA RASULU’ 13:13

Malemi tu Paulus sola tu to nasikaloliran massombaran dio mai Pafos nasae lako Perga dio tana Pamfilia. Messarakmi tu Yohanes dio mai tinde tau, nasule lako Yerusalem.

PENGGAURANNA RASULU’ 4:36

Iatu Yusuf naganti rasulu’ Barnabas, – ke dipallemba’i battuananna anak pa’pakatana, – to Lewi, dio mai Siprus,

PENGGAURANNA RASULU’ 13:5

Iatonna sae lako Salamis umpa’peissanammi kadanNa Puang Matua lan lu banua pa’kombonganna to Yahudi; iatu Yohanes sisola duka tinde tau butung to ma’parakana.

PENGGAURANNA RASULU’ 12:25

Sulemi tu Barnabas sola Saulus dio mai Yerusalem tonna mangka umpogau’i tu pentoean pa’tulung, sia nasolan tu Yohanes diganti Markus.

FILEMON 1:23

Iatu Epafras, padangku ditarungku belanna Kristus Yesu, umparampo salama’na lako kalemu,