KOLOSE 3:16 - Sura' Madatu

¹⁶ Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

KOLOSE 3:16 Referans Kwoze

PA’PUDIAN 119:11

Iatu kadamMi kuanna rara’ lan batu ba’tengku, dikua da angku kasalan mati’ Kalemi.

EFESUS 5:19

ammi sipa’kada-kada naturu’ pa’pudian sia pa’tendeng sia penanian masallo’ ammi penanianni sia umpudi-pudi Puang lan penaammi;

YOHANES 15:7

Iake reso’komi lan Kaleku sia tontong mipalan tambuk tu kadangKu, palakui, apa-apa mikamorai, iamo dipa’kamasean lako kalemi.

ROMA 10:17

Na susito, manassamo kumua iatu kapatonganan bannang dio kareba mangka dirangi, na iatu kareba mangka dirangi tete dio kadanNa Kristus.

1 YOHANES 2:24

Iate kamu te, sipatu manda’ lan penaammi tu apa mangka mirangi dio mai pamulanna. Iake manda’i lan penaammi tu apa mangka mirangi dio mai pamulanna, manassa la manda’ dukakomi lan Anak sia lan Ambe’.

YEREMIA 15:16

Umba-umba kunii unnapparan kadamMi, kukande sia iatu kadamMi kuporannu sia naposende penaangku; belanna iatu sangamMi disa’buranna’, o PUANG Kapenombanna mintu’ ma’dandan maritik.

EFESUS 1:17

kumua anna KapenombanNa Puangta Yesu Kristus, iamotu Ambe’ oto’na mintu’ kamala’biran, umpa’kamaseanni lako kalemi tu Penaa kakinaan sia kaNapamanassan untandai Puang Matua.

AYUB 23:12

Iatu pepasan sun dipudukNa tae’ kupatoyangi, lan ba’tengku kuanna tu kada Nasa’bu’.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

2 YOHANES 1:2

Tu belanna kamanapparan tonang lan kaleta, sia la urrondongki’ tontong sae lakona.

2 TIMOTIUS 3:15

sia tempon dio mai bitti’mu mutandaimi tu mintu’ Sura’ MadatunNa Puang Matua, tu ma’din umpakinaako la umpabu’tu kamakarimmanan tete dio kapatonganan lako Kristus Yesu.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

1 YOHANES 2:27

Iatu kamu te, manda’mo lan kalemi tu pa’kamasean Napassakkeangkomi Puang, tae’omo mimanggi’ naada’i pole’ misa’ tau: sangadinna susi Naadarangkomi pa’kamaseanNa diona mintu’ apa sia tongan sia tae’ namo’rang, sia susitu mangkakomi Naada’i, la manda’komi lan Kalena.

KOLOSE 4:6

La mammi’ bang tu buangan kadammi butung to disiai, ammi issanni umba la mikua umpebalii simisa’-misa’i tu tau.

EFESUS 5:17

Iamoto, da mibaga, sangadinna la miissan umba tu pa’poraianNa Puang.

PA’PUDIAN 28:7

PUANGmo kamatotorangku sia balulangku; Iamo nakatappa’i penaangku, angku appa’mo pa’tunduan. Iamoto anna sende paiman tu penaangku sia la kupakendekan pa’pudi-pudiangku.

YAKOBUS 5:13

Denrokomika tu masussa? sipatu la massambayang. Denkomiraka parannu? sipatu la umpopenani pa’pudian.

PA’PUDIAN 71:23

La mela’tek tu lilaku, ke kupakendekangKomi pa’pudian, ten duka deatangku to tu mangka Milendokan.

TITUS 3:6

tu Napalempanmo Natuarangki’ tete dio Yesu Kristus, To pakarimmananta,

1 KORINTUS 14:26

Totemo umbamo nakua, e kamu siulu’ku? Iammi sirampun, pantan den dikamaseangkomi, den pa’pudian, den pangadaran, den tu apa mangka dipamanassa, den ma’kada susitu pa’kamase diona ma’rupa-rupa basa, den umbattuananni tu kada. Mintu’na tu iannato la umpabatta’ kapatonganan.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

KOLOSE 1:28

tu kipa’peissanan, angki pakilala simisa’i tu tau sia kiada’i situru’ mintu’ kakinaan, kikua angki popennolo simisa’i tu tau natae’mo sayuanna lan Kristus.

PA’PUDIAN 32:7

Kamumo tu inan pentilindungangku, sia Mirinding pala’na’ dio mai kamaparrisan, mipaepunnina’ sengo la’tek makarimman.

NEHEMIA 12:46

Belanna tempon diopa mai linona Daud sia Asaf naranduk den tu to menani sia nanian umpudi sia untendeng Puang Matua.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

1 YOHANES 2:14

E pia, mangkamo’ massura’ mati’, belanna mitandaimo tu Ambe’. E mintu’ ambe’, mangkamo’ massura’ mati’, belanna mitandaimo tu Puang tu inang denmo tempon dio mai. E mintu’ to mangura, mangkamo’ massura’ mati’, belanna batta’komi sia naniikomi torro kadanNa Puang Matua, sia mangkamo mitalo tu deata bulituk.

1 TIMOTIUS 6:17

Pakainga’i mintu’ to sugi’ lan te lino, kumua da anna pamadao penaanna, sia da narannuanni tu kasugiran tae’ natontong, sangadinna langnganri Puang Matua, tu umpalempan mintu’ apa Napa’kamasean lako kaleta, taangkaran parannui.

2 TESALONIKA 3:15

Da mitiro ualii, sangadinna pakilala susii misa’ siulu’.

1 TESALONIKA 4:18

Iamoto la sipakatanakomi unnoong kada iate.

1 KORINTUS 14:15

Naumbamo nakua? La massambayangna’ sisola tu penaa iato, sia sola duka tangnga’ iato; la umpopenanina’ pa’pudian sisola penaa iato, sia la umpopenani dukana’ pa’pudian sisola tangnga’ iato.

MATIUS 26:30

Iatonna mangkamo umpopenani pa’pudian, sunmi namale ma’palulako buntu Zaitun.

SARAMBU PEADA’ 14:8

Iatu kakinaanna to manarang, iamotu untandai kalena lalanna, apa iatu kabaganna to tang paissan pa’pakena manna pa’rampoananna.

PA’PUDIAN 138:1

Pa’pudianna Daud. La ponno penaangku umpudiKomi, sia la umpakendekna’ pa’pudian mati’ Kalemi dio olona mintu’ deata.

PA’PUDIAN 119:54

Mintu’ tu apa Mipondok kuposengo, lan inan pempueangku.

ROMA 15:14

E kamu siulu’ku, aku kalena te kukatappa’i tu diona kamu, kumua kamu duka ponnokomi kamasokanan sia untambuk mintu’ kapaissanan, sia malute dukakomi pada sipakilala.

LUKAS 2:51

Malemi sule sola, Nasae lako Nazaret, mengkaola bang lako indo’Na sia ambe’Na. Apa iatu indo’Na napalan bang penaanna tu mintu’na kada iato.

1 OSSORANNA DATU 25:7

Iatu bilanganna tau iato mai sola mintu’ siulu’na, tu diada’imo nanian umpudi PUANG, iamotu mintu’ manarangnamo, den duaratu’ karua pulona ngkarua.

YESAYA 10:2

la umpatoyang to mase-mase dio mai salunna sia urrampa katongananna taungKu tu tang pa’bela, anna ala rampai tu baine balu sia ullo’do’ pia biung.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

YESAYA 30:29

Apa dio kalemi den pa’pudi-pudian butung to bongi dinii umpakaraya pa’gauran sia iatu kasendean penaa susito ma’lengkoan unturu’ oni suling, la lu lako buntunNa PUANG, lako Buntu batunna to Israel.

YESAYA 26:1

Allo iato iatu nanian iate la napopenani tau lan tana Yehuda nakua: Den kami tu kota matoto’ki; kamakarimmanan Nabentenganni sia Natambakukuanni Puang.

YESAYA 5:1

Totemo la umpopenanina’ misa’ nanian diona pa’kaboro’ku, gelongna pa’kaboro’ku diona pa’lak anggoro’na. Iatu pa’kaboro’ku den pa’lak anggoro’na dao tanete malompo.

PA’TENDENG BALLO 1:1

Pa’tendeng ballona Salomo.

KADA OMBO’ LAKO RASULU’ YOHANES 14:3

iatu tau iato mai umpopenani misa’ nanian ba’ru dio olo isungan kapayungan iato, sia olona a’pa’ a’gan kepenaa, sia mintu’na penatua; sia moi misa’ tau tae’ anna kullei umpelada’i tu nanian iato, sangadinna ia manna tu tau saratu’ patangpulo nna’pa’ sa’bunna tu to dila’bak dio mai lino.

SARAMBU PEADA’ 18:1

Minda-minda untoyangan kalena iamo unturu’ lalan pa’poraianna, sia karede-redean, unnea mintu’ pa’tangngaran melo.

EFESUS 5:26

kumua anNa pemaseroi tonna mangka umbasei pa’dioran uai tete dio kadanna Puang Matua,

1 TESALONIKA 1:8

Belanna diomo mai kalemi nanii tiranda tu kadanNa Puang, tae’ anna dio manna Makedonia sia Akhaya, sangadinna lan mintu’ inan naniimo kalelean kapatonganammi langngan Puang Matua, naurunganni tae’mo namanggi’ la kipokada tu apa diona to.