KOLOSE 3:10 - Sura' Madatu

¹⁰ ammi angkaranni tu ba’runna, tu nenne’pa diba’rui landa’ lako kapaissanan unturu’ rupa a’ganNa Puang Matua tu umpadadii.

KOLOSE 3:10 Referans Kwoze

ROMA 12:2

Sia da mipeolai tu a’ganna te lino, sangadinna la membalikomi diona kadiba’ruanna penaammi, ammi issanni untandai pa’poraianNa Puang Matua, iamo melona sia Naporainna sia sundunna.

EFESUS 2:10

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

KOLOSE 3:12

Iamoto, susitu to Natonno’ Puang Matua, tu masallo’ sia dipakaboro’, ten dukamoto tu kamu la unnangkaran: kamamasean, kamasokanan, kaumpamadiongan penaa, sorong inaa, pesuka’ kalando,

2 KORINTUS 5:17

Iamoto iake denni misa’ tau tuo lan Kristus, iamo pa’padadi ba’ru; iatu mai apa malaun pa’demo; na tonganna dipopendadi ba’rumo.

PA’PUDIAN 51:10

Parangii polena’ kasendean sia kaparannuan, anna sila’tekan tu mintu’ buku lampa mangka Minisak-nisak.

YEHEZKIEL 11:19

La Kuben misa’ penaa kalebu sia inaa ba’ru lan ba’tengna, na iatu penaa batu la Kualai dio mai kalena, angKu benni penaa duku’;

KOLOSE 3:14

Apa iatu ma’iringanna na iato, iamo pa’kaboro’, tu pearra’na kasundunan.

YEHEZKIEL 36:26

La Kubenkomi penaa ba’ru sia la Kupatamai sumanga’ ba’ru tu ba’tengmi; na iatu penaa batu la Kualai dio mai kalemi, angKu benkomi penaa duku’.

1 YOHANES 2:5

Apa minda-minda ungkaritutui tonganni tu kadanNa, tonganna kumua lanmo kalena nanii tepu pa’kaboro’Na Puang Matua. Dionamoto taissanni kumua iatu kita lanki’ Kalena.

ROMA 13:14

Sangadinna la umpokararrankomi Puang Yesu Kristus, sia da’ mipasasua’nai tu kalemi da anna samasarrang-sarrangna tu kamoraian.

1 YOHANES 2:3

Dionamote taissanni kumua tatandaimo, iake takaritutui tu parentaNa.

ROMA 8:29

Belanna iatu to tempon dio mai Natandai, tempon dio dukapa mai Nalampakki la sangrupa a’ganna AnakNa, kumua anna Ia pa’bunga’ dio tu to budai sangsiuluran.

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

YEHEZKIEL 18:31

Tibei dio mai kalemi tu sala mangka mipogau’, ammi ba’rui tu ba’tengmi sola penaammi. Ma’apari ammi la matera, e to Israel?

KADA OMBO’ LAKO RASULU’ YOHANES 21:5

Pakalan na iatu To unnisung dao isungan kapayungan iato, ma’kada Nakua: Tiroi, Kupopemba’ru nasang. Sia Nakuapa: Sura’i, belanna kada iate matappa’ sia tonganna.

EFESUS 2:15

belanna mangka umpasalian tuntunan sukaran aluk sola mintu’ pangalukanna lan batang kaleNa, dikua anna lan Kalena Nanii umpopendadi misa’i tolino ba’ru patomalinna anNa pabu’tu kasikaeloan,

GALATIA 6:15

Belanna la disunna’ ba’tu tang disunna’, tae’ patunna, sangadinna iari ke dadimi panampa ba’ru.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

2 KORINTUS 3:18

Apa kita sola nasang te tang membungku’na, nanii bayo-bayo kamala’biranNa Puang butung misa’ sammin, sia membaliki’ susitu rupa iato nasakendek-kendekna kamala’biranta, susitu lu diona mai PenaanNa Puang.

ROMA 13:12

Mambelamo bongi, la madomi’mo masiang. Iamoto sipatu tarampanan tu mintu’ penggauran malillin, anta angkaran maserona tapopa’buno.

GALATIA 3:27

Belanna pira-pirakomi tu didio’ tama Kristus, umpopakemokomi Kristus.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

IBRANI 6:6

anna sorong boko’, umbapa la dikua umba’rui sule tu pengkatobaranna tau iato, belanna naa’ta’ poleomo tu AnakNa Puang Matua tu la nanii bu’tu kasangganganna, sia napadio lindo bang.

YESAYA 59:17

Umpotamangkale kamaloloan butung bayu rante sia umposongko’ songko’ bassi kasalamaran; umpotamangkale pepakkan butung bayu sia umpolullung kamakaritutuan butung bayu lamba’.

AYUB 29:14

umpotamangkalena’ kamaloloan, sia gau’ maloloku kupobayu lamba’ sia kupopassapu;

KADADIAN 5:1

Iamora te tu ossoranna Adam. IatonNa padadii Puang Matua tu tolino, Napasusi a’ganNa.

ROMA 6:4

Iamoto mangkamoki’ dipasilamun tete dio pa’dioran tama kamatean, kumua anna tumba tu Kristus mangkamo dipamalimbangun dio mai to’ to mate tete dio kamala’biranNa Ambe’, susi dukamoto tu kita la unnolai katuoan ba’ru.

2 KORINTUS 4:16

Iamoto anna tae’ nasoso’ tu penaanta, belanna moi disanggang tu a’gan kale tang marendengta, apa iatu a’gan ba’tengta diba’rui keallo-keallo.

FILEMON 1:6

Massambayangna’ sangapaoi upa’ tu kasiduluanta lan kapatonganan naumpamatoto’ kapaissanan diona mintu’ apa melo, tu lanna kaleta diona Kristus.