KOLOSE 2:3 - Sura' Madatu

³ Indemoto nanii karerungan tu mintu’ kakinaan sia kapaissanan butung ianan ballo, mentirerung.

KOLOSE 2:3 Referans Kwoze

1 KORINTUS 1:24

apa lako to ditambai, la to Yahudi la to Yunani, iatu Kristus, iamo kuasanNa Puang Matua sia kakinaanNa Puang Matua.

1 KORINTUS 1:30

Apa bannang dio mai Puang Matua ammi lan Kristus, tu mendadi kakinaan tapokinaa dio mai Puang Matua sia kamaloloan sia kadiseroian sia kadila’bakan;

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

EFESUS 1:8

tu Napelempanni lako kaleta situru’ kakinaan sia kamatarrusan.

MATIUS 10:26

Iamoto, da mikataku’i tu tau iato, belanna moi misa’ duka tu kasamboanna, tae’ tang la dipasombona, sia moi misa’ duka tu membuninna, tae’ tang la kaissananna.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

SARAMBU PEADA’ 2:4

iake mudaka’i susi salaka sia musisik susi ianan membuni,

KADA OMBO’ LAKO RASULU’ YOHANES 2:17

Minda-minda ketalinga la naperangii tu apa Napokada Penaa lako mintu’ kombongan. Na lako tu to patalo, la Kuben manna kabunian, sia la Kuben misa’ batu mabusa na dio batu iato tisura’ misa’ sanga ba’ru, tu tae’ misa’ tau untandai, sangadinna ia manna tu to untarimai.

AYUB 28:21

Karerungan dio mai mintu’ apa kepenaa, moi anna manuk-manuk dao langi’ kabunian duka lako.

KOLOSE 3:3

Belanna mangkamokomi mate, na iatu katuoammi mellindung sola Kristus lan Puang Matua.

KOLOSE 1:19

Belanna Iamo Naporaianna Puang Matua, kumua mintu’ kagannaran membanua lan Kalena.

YESAYA 11:2

Ia la Nanii ta’pa PenaanNa PUANG, iamotu Penaa kakinaan sia tangnga’ kinaa, Penaa pa’timbangan sia kamatotoran, Penaa kapaissanan sia kamatakuran lako PUANG.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

YESAYA 40:14

Mindamora tu Nanii undaka’ pa’timbangan la umbenNi pa’inaan la unnada’i lalan malolo, sia unnada’i kapaissanan sia umpatuduI diona lalan la ungkabu’tui tangnga’ kinaa?

LUKAS 11:49

Iamoto nakua pole’ kada kinaanNa Puang Matua: La ussuaNa’ nabi sia rasulu’ lako tau iato, anna patei pira sia naula’ pira;

KOLOSE 1:28

tu kipa’peissanan, angki pakilala simisa’i tu tau sia kiada’i situru’ mintu’ kakinaan, kikua angki popennolo simisa’i tu tau natae’mo sayuanna lan Kristus.

2 PETRUS 1:5

Iamo bannangnato ammi la umpengkullei tonganni umpasombo kameloan lan kapatonganammi; na kameloammi umpasombo kapaissanan;