KOLOSE 2:16 - Sura' Madatu16 Iamoto da naden misa’ tau umpasalakomi tu diona kande ba’tu diiru’na ba’tu lan attu dipakaraya ba’tu bulan ba’ru ba’tu allo katorroan, Gade chapit la |
Apa iatu passanan tengkona arung la umbaa pemala’ ditunu pu’pu’, kande dipemalaran sia pemala’ pantedok, ke pa’gauran sia ke bulan ba’rui sia allo katorroan, iatu mintu’ allo madatunna to Israel. Sipatu la napennoloan tu suru’ pengkalossoran, iatu kande dipemalaran, iatu pemala’ ditunu pu’pu’ sia iatu pemala’ kasalamaran la umpadenanni pengkalossoran tu mintu’ to Israel.
Sia iake saei umbaa balukanna tu bangsa lan tondok iate sia ma’rupa-rupa gandung lan allo katorroan la umbalukki, tae’ tala unnallii, ke allo katorroan ba’tu sala umbanna misa’ allo maindan, sia lan taun ma’pempitu iatu mai padang la tapopa’elo’na talo sia iatu mai pa’peindan moi misa’ tae’ tala untungkai.