KOLOSE 2:12 - Sura' Madatu

¹² Anna lan pa’dioran dinii umpasilamunkomi, sia lan duka pa’dioran iato dinii umpamalimbangunkomi sola, belanna diona umpatongan kuasanNa Puang Matua tu umpamalimbangunNi dio mai to’ to mate.

KOLOSE 2:12 Referans Kwoze

1 PETRUS 3:21

Iatu uai rapangan umpamakarimmankomi totemo, iamotu pa’dioran, tu battuananna tangia ullossokki mariganna dio batang kalemi, sangadinna mepalakuan sukaran inaa maelo Puang Matua, tete dio kamalimbangunanNa Yesu Kristus,

GALATIA 3:27

Belanna pira-pirakomi tu didio’ tama Kristus, umpopakemokomi Kristus.

PENGGAURANNA RASULU’ 2:24

Ia dukamo tu Napamalimbangun Puang Matua sule tonna ko’ka’i tu kamaparrisan kamatean, belanna tae’ nabelai tu kamatean la untaloI.

EFESUS 3:17

anNa torroi Kristus tu penaammi tete dio kapatonganan sia ammi mennuaka’ sia keparandangan lan pa’kaboro’,

ROMA 4:24

sangadinna diona duka kita tu la direken umpomaloloi tu belanna tapatongan tu To mangka umpamalimbangun Yesu, Puangta, dio mai to’ to mate,

EFESUS 4:5

misa’ Puang, misa’ kapatonganan, misa’ pa’dioran,

EFESUS 2:8

Belanna tete dio kamaturu-turuan iato ammi dikarimmanni diona kapatonganan, anna iatu iannato tangia tuo dio mai kalemi, sangadinna pa’kamaseanNa Puang Matua,

1 KORINTUS 15:20

Apa manassa mangkamo dipamalimbangun dio mai to’ to mate tu Kristus, mendadi bua pa’bunga’ lako mintu’nato ussalaimo lino.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

IBRANI 6:2

sia pangadaran diona to mai pa’dioran, sia diona urremme’i lima tau, sia diona kamalimbangunanna to mate sia ukungan matontongan.

FILIPI 1:29

Belanna mangkamo dipa’kamasean lako kalemi bannang dio Kristus, tangia kumua mipatongan mannai, sangadinna kumua miperasai dukai tu kamaparrisan diona Ia,

EFESUS 5:14

Iamoto anna den tu kada nakua: Millikko, e iko tu mamma’na, sia malimbangunko dio mai to’ to mate, anna Kristus unnarrangko.

EFESUS 3:7

Anna aku dipadadi to ma’kamayana Kareba-kaparannuan, situru’ serong pa’kamaseanNa Puang Matua, tu Napa’kamasean lako kaleku sitinaya pengkarangan kamatotoranNa.

1 KORINTUS 12:13

Belanna misa’ri Penaa mangka dinii undio’ki’ sola nasang anta mendadi misa’ kale, la to Yahudi, la to Yunani, la kaunan, la to makaka; mintu’ki’ dipatamai tu Penaa misa’.

ROMA 7:4

Susi dukato, e sangsiulurangku, kamu te dipamatekomi mitilendok dio mai Sukaran aluk tete dio batang kalena Kristus, kumua anna to senga’ umpoissankomi, iamotu To mangka dipamalimbangun dio mai to’ to mate, anta pabu’tuanni Puang Matua tu buanna.

PENGGAURANNA RASULU’ 14:27

Iatonna sae lako, narampunmi tu to Sarani, nauleleananni tu mintu’ apa Napogau’ Puang Matua urrondongi sia kaNabungkaranna Puang Matua tu ba’ba kapatonganan lako to kapere’.

LUKAS 17:5

Nakua nasangmi tu rasulu’ lako Puang: Rangngannipi tu kapatonganangki ke!

PENGGAURANNA RASULU’ 2:32

Iamora te Yesu tu Napamalimbangun Puang Matua, na iatu iannato kamimo te sola nasang tu ungkatottongi.

KOLOSE 1:29

Iamora kupomara’ta’ tu iannato, sia kupengkullei tongan, sitinaya kuasanNa, tu mawatang kedo lan kaleku.

KOLOSE 2:13

Sia kamu tu mate tete dio kasalan sia tang dipogau’ sunna’ lako kalemi, mangka dukakomi dipatuo sola, tonna pa’deimi tu mintu’ kasalanta,