KOLOSE 1:9 - Sura' Madatu

⁹ Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

KOLOSE 1:9 Referans Kwoze

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

KOLOSE 4:5

Pa’pekitanangkomi kakinaammi lako to salian sia da’ mimatei tu attu melo.

IBRANI 13:21

anna Iamora umpasakka’komi lan mintu’ melona, ammi pogau’i tu pa’poraianNa; sia Ia dukamora umpadenni lan kaleta tu Naporainna tete dio Yesu Kristus. Lu lako Kalena tu kamala’biran tontong sae lakona! Amin.

1 PETRUS 2:15

Belanna susimoto tu pa’poraianNa Puang Matua, kumua anna diona penggauran melo minii ungkamummu’i tu puduk katangpaissananna to baga.

1 SAMUEL 12:23

Na iatu aku kurannuan tongan la dipamambela dio mai kaleku umpogau’i te kasalan iate lako PUANG, iamotu la tadang umpengkamoyangkomi; sangadinna la kuada’ikomi tu lalan melo sia tongan.

2 TESALONIKA 1:11

Iamoto angki tontong umpassambayangankomi, dikua anNa sangakomi Kapenombanta sielle’ ditambai sia Napasundunni tu mintu’ pa’poraiammi lako melona sia pengkarangan kapatonganan situru’ kuasanNa,

1 TESALONIKA 5:17

sia tang tore massambayang;

PA’PUDIAN 143:10

Patuduna’ umpogau’ pa’poraiamMi, belanna Kamumo tu Kapenombangku, sangapaoi anna rendenna’ tu Penaa masokanMi illan padang rampa’.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

IBRANI 10:36

Belanna sipato’komi unnampui kabantangan penaa, dikua anna iake mangkamokomi umpogau’i tu pa’poraianNa Puang Matua, ammi appa’i tu apa diallu’.

FILIPI 1:4

Tontongna’ parannu lan mintu’ passambayangku umpangandoangkomi.

FILEMON 1:4

Tontong bangna’ ma’kurre sumanga’ langngan Puangku, angku sa’bu’ko lan mintu’ passambayangku,

EFESUS 6:6

da ammi susito belo puduk, butung to ussede tau, sangadinna susikomi taunNa Kristus masorok penaanna umpogau’ pa’poraianNa Puang Matua,

ROMA 12:2

Sia da mipeolai tu a’ganna te lino, sangadinna la membalikomi diona kadiba’ruanna penaammi, ammi issanni untandai pa’poraianNa Puang Matua, iamo melona sia Naporainna sia sundunna.

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

1 YOHANES 2:17

Lino iate la lanna’ sola mintu’ kamaballoanna, apa iatu to umpogau’ pa’poraianNa Puang Matua tontong sae lakona.

1 PETRUS 4:2

dikua anna lan mintu’ angge tuomipa, da mituru’ mintu’ kamailuan a’gan tolino, sangadinna pa’poraianNa Puang Matua.

KOLOSE 4:12

Salama’na Epafras mati’ kalemi, iamo misa’ sangtondokmi sia taunNa Kristus, tu tontong mengkulle umpassambayangangkomi, kumua ammi bantang sia matakko sia unnampui kamanassan lan mintu’ pa’poraianNa Puang Matua.

KOLOSE 1:6

tu ullambi’mokomi, susitu lannamo mintu’ lino, tu membua sia sakerangngan-rangnganna, susi dio kalemi, randuk dio mai miranginnamo sia mitandainna tonganmo tu pa’kamaseanNa Puang Matua,

EFESUS 5:17

Iamoto, da mibaga, sangadinna la miissan umba tu pa’poraianNa Puang.

EFESUS 5:10

sia sudii tu apa Naporainna Puang.

EFESUS 1:8

tu Napelempanni lako kaleta situru’ kakinaan sia kamatarrusan.

YOHANES 7:17

Iake den tau morai umpogau’ pa’poraianNa Puang Matua, la natandai te pangadaran iate, kumua lu dioraka mai Puang Matua, ba’tu tuo lu dio bangraka mai Kaleku.

PA’PUDIAN 119:99

Sia mandu matarru’na’ aku anna gurungku, belanna mintu’ kasa’biamMi iamo kutangnga’-tangnga’.

1 KORINTUS 1:5

kumua tete diori Kalena ammi dipasugi’ dio mintu’na la diona kada, la diona kapaissanan;

PENGGAURANNA RASULU’ 12:5

Iamoto anna dikurung tu Petrus lan pa’tarungkuan, apa napengkamoya-moyan tongan kombongan napassam- bayangan.

FILEMON 1:6

Massambayangna’ sangapaoi upa’ tu kasiduluanta lan kapatonganan naumpamatoto’ kapaissanan diona mintu’ apa melo, tu lanna kaleta diona Kristus.