KOLOSE 1:4 - Sura' Madatu

⁴ belanna kirangi tu kapatonganammi lako Kristus Yesu sia pa’kaboro’mi lako mintu’ to masallo’,

KOLOSE 1:4 Referans Kwoze

EFESUS 1:15

Iamoto iatongku rangii tu kapatonganammi lako Puang Yesu sia pa’kaboro’mi lako mintu’ to masallo’,

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

1 YOHANES 4:16

Kita te taissanmo sia takatappa’imo tu pa’kaboro’Na Puang Matua lako kaleta. Puang Matua a’gan ma’pakaboro’, na iatu to torro lan pa’kaboro’ torro lan Puang Matua, sia Puang Matua duka torro lan kalena.

FILEMON 1:5

belanna kurangi tu diona pa’kaboro’mu sia diona kapatonganammu lako Puang Yesu sia lako mintu’ to masallo’.

1 YOHANES 3:14

Kita te taissan, kumua tilelemoki’ dio mai kamatean lako katuoan, belanna tapakaboro’ tu sangsiuluran. Iatu to tang ma’pakaboro’, tontong lan kamatean.

GALATIA 5:6

Belanna iake sirapumoki’ Kristus Yesu, la umpogau’ ba’tu tang umpogau’ sunna’, tae’ kuasanna, sangadinna kapatonganan tu napakedo pa’kaboro’.

1 YOHANES 3:23

Iamote tu parentaNa, kumua sipatu tapatongan tu sanganNa AnakNa, Iamo Yesu Kristus, anta siala mase, situru’ tu parenta mangka Nakamaseangki’.

1 TESALONIKA 3:6

Apa totemo mane mangka sule tu Timotius umbangkan kareba melo diona kapatonganammi sia pa’kaboro’mi sia iatu katontongammi ungkilalai melokan sia mamali’ la ussitiroangkan, susi duka kami lako kalemi.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

2 KORINTUS 7:7

sia tangia kasaeanna manna, sangadinna ia duka tu pa’pakatana mangka mipakatananni, tonna uleleanni lako kaleki tu kamamalirammi sia tangi’mi sia kamasarasammi belanna aku, napourungi saparannu-rannungku.

GALATIA 3:26

Belanna iatu kamu sola nasang anakNakomi Puang Matua tete dio kapatonganan lako Yesu Kristus.

GALATIA 3:28

Tae’mo to Yahudi lan, ba’tu to Yunani, tae’mo kaunan ba’tu to makaka, tae’mo muane ba’tu baine; belanna iatu kamu sola nasang mendadi misamorokomi lan Kristus Yesu.

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,