KOLOSE 1:13 - Sura' Madatu

¹³ Iamotu mangka urrampanangki’ dio mai kuasa kamalillinan sia umpalengka’ki tama parentaNa Anak pa’kaboro’Na,

KOLOSE 1:13 Referans Kwoze

PENGGAURANNA RASULU’ 26:18

ammu pamillikki tu matanna, anna memboko’ dio mai malillinna lako maserona, sia dio mai parentana deata bulituk lako Puang Matua, anna kabu’tui kadipa’deian kasalan sia mana’ sisola tu mintu’ to dipamaindan tete dio kapatonganan lako Kaleku.

EFESUS 5:8

Belanna dolona kalillinangkomi, apa totemo masiangmokomi lan kasiturusanNa Puang. Lolang susikomi to mangkamo dipemasiangi,

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

EFESUS 6:12

Belanna tangia padanta ma’rupa tau tasiean, sangadinna mintu’ to ma’parenta sia to paa sia pangulunna lino tu umparenta kamalillinan iate sia mintu’ kuasa deata masussuk dao langi’.

1 TESALONIKA 2:12

angki pabatta’i tu penaammi sia kipasan-pasan, miangkaran gau’ sipatu pa’poraianNa Puang Matua, tu mangka untambaikomi tama ParentaNa sia kamala’biranNa.

EFESUS 4:18

tu dipamalillinmo tangnga’na sia nasarakkimo kabagan lan kalena dio mai katuoan lu dio mai Puang Matua, belanna kamakarrasanna penaanna.

ROMA 14:17

belanna iatu ParentaNa Puang Matua tangia diona kande ba’tu diiru’na, sangadinna kamalamburan sia kamarampasan sia kaparannuan tete dio Penaa Masallo’.

1 YOHANES 3:14

Kita te taissan, kumua tilelemoki’ dio mai kamatean lako katuoan, belanna tapakaboro’ tu sangsiuluran. Iatu to tang ma’pakaboro’, tontong lan kamatean.

2 KORINTUS 4:4

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.

YOHANES 5:24

Tonganna tongan Kukua mati’: Minda-minda umperangii tu kadangKu sia umpatonganNi tu To ussuaNa’, iamo la ungkabu’tui katuoan tontong sae lakona sia tae’ nakannai ukungan, sangadinna lumengka’mo dio mai kamatean lako katuoan.

1 YOHANES 2:8

Apa kusurasan dukakomi parenta ba’ru, iamotu apa tongan diona Kristus sia diona kamu, belanna iatu malillin lendu’mo sia iatu manassana masiang parrangmo.

2 PETRUS 1:11

Belanna susimoto ammi dibungkaran sea-sea lalan tama Parenta matontonganNa Yesu Kristus, Puangta sia To pakarimmananta.

LUKAS 13:24

Parukui tu kalemi unnola ba’ba sukku’, belanna Kukua lako kalemi: Buda tau undaka’ lalan la morai tama, apa pangkun.

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

IBRANI 2:14

Iamoto belanna iatu mintu’ anak pada ma’rara ma’duku’, Ia duka unnala a’gan susito, kumua anNa bannang dio kamatean Nanii umputtai tu to untoe kuasa umpabu’tu kamatean, iamotu deata bulituk.

YOHANES 17:24

O Ambe’, Kuporai ke sisolaNa’ tu to mangka Misorong lako Kaleku umba-umba Kunii, anna kitai tu kamala’birangKu tu mangka Mipa’kamasean lako Kaleku, belanna Mipakaboro’Na’ tempon dio mai tonna tang dikombongpa te lino.

LUKAS 22:53

Kiallo-kiallo misisolanNa’ lan Banua Kabusungan, tae’ra mipata’paiNa’ limammi, apa iamote tu allu’mi sia parenta kamalillinan!

MATIUS 3:17

Ta’kala saemi gamara dao mai langi’, nakua: Iamote tu Anak Pa’kaboro’Ku, tu Nanii kasendeangKu.

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

YESAYA 53:12

Iamoto angKu la umba’gii apa dio lu to’ buda tau, sia la sola to lalong untaa pangrampa belanna umbuang sunga’na tama kamatean, sia dipasangbilangan to kadake, moi anna urrengnge’ kasalanna buda tau sia umpassambayangan to kadake.

EFESUS 1:6

la umpabu’tuanni kadipudian tu kamala’biran pa’kamaseanNa, tu Napa’kamasean lako kaleta lan Pa’kaboro’Na.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

YOHANES 3:35

Napakaboro’ Ambe’ tu AnakNa sia mintu’na angge maritik Nasorong lako Kalena.

YESAYA 60:2

Belanna iatu kamalillinan la ussamboi lino sia la pittuk tu mintu’ bangsa, apa bu’tu tu kamasianganNa PUANG dio kalemu sia kamala’biranna la parrang lako kalemu.

2 KORINTUS 11:14

Iatu iannato tangngia memangngai, belanna deata bulituk duka unna’ga kalena susito malaeka’ marorrong.

EFESUS 5:5

Belanna iate pengkilalai tonganni, kumua tae’ ia tu to ma’pangngan buni ba’tu to maruttak ba’tu to basisi inaa – tu samanna to umpenombai deata – umpotaa mana’ lan ParentaNa Kristus sia Puang Matua.