IBRANI 9:19 - Sura' Madatu

¹⁹ Belanna iatonna mangkamo tu Musa umpokada nasangi tu pepasan iato lako mintu’ tau iato situru’ tu lanna Sukaran aluk, naalami tu rara anak tedong sia rara bembe’ laki, sola uai sia bannang bulu domba mararang, sia supa, anna pi’pikki tu sura’ sia to buda;

IBRANI 9:19 Referans Kwoze

IBRANI 9:12

sia tang umbaa rara bembe’ laki sia anak tedong, sangadinna raraNa Kalena, anNa pissanri tama inan maindan, umpabu’tu misa’ pangla’bakan matontongan.

KADIBILANGAN 19:18

Sia misa’ to masero la unnala supa, anna otonni tama to’ uai iato, napa’pi’pikanni tenda sia mintu’ pareanan dapo’ sia mintu’ tau lan tenda iato sia to ungkaka’ buku to mate, ba’tu to mate dipongko, ba’tu batang rabuk, ba’tu panglamunan.

KADIBILANGAN 19:6

Sia la naala to minaa tu kayu arasi’, supa sia bannang karamisi, napembuanganni dao tangngana sapi birang tu nakande api.

IBRANI 10:4

Belanna inang tae’ nakullei tu rara tedong laki sia bembe’ laki la umpa’dei kasalan.

1 PETRUS 1:2

tu ditonno’ situru’ paissan temponNa Puang Matua, Ambe’, Napamasallo’ Penaa lu lako kaumpengkaolaian Yesu Kristus sia pa’pi’pikan raraNa: denno upa’ anna sakerangngan-rangnganna tu pa’kamasean sia kamarampasan lako kalemi.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

YOHANES 19:5

Sunmi tu Yesu ma’sa’pi’ duri sia ma’bayu lango-lango. Nakuami Pilatus lako tu tau sola nasangi: Tiromi te tau iate!

YOHANES 19:2

Naampinniranni surodadu sa’pi’ duri napasa’pi’i, napaluangi bayu lango-lango;

MARKUS 15:20

Iatonna mangka untelle-telleI, naalaimi lan mai Kalena tu sambu’ lango-lango napaluangi sule tu pakeanNa siamo, namale umbaaI lako salian, kumua anna a’ta’I.

MARKUS 15:17

Napaluangimi sambu’ lango-lango tu Yesu sia naampinniran sa’pi’ duri, napasa’pi’I.

MATIUS 27:28

Nasabakkimi tu pakeanna Yesu, napaluangi bayu lamba’ lango-lango.

YESAYA 52:15

susi dukato buda bangsa la bangngo ara’na, sia la napotangtiku’bi’ pudukna mintu’ datu, belanna iatu apa tang nauleleanpa tau, nata’paimo matanna, sia iatu apa tang tamapa talinganna, naissanmo.

SURA’ KATOMINAAN 3:6

Iatu pemala’na, ke misa’ domba ba’tu bembe’ napopemala’ kasalamaran lako PUANG, la napennoloan tu misa’ patuoan tae’ tattanna, iamotu lakinna ba’tu birangna.

SURA’ KATOMINAAN 1:10

Iatu pemala’na, ke patuoan bitti’ susi domba sia bembe’ la dipopemala’ ditunu pu’pu’, la napopennolo tu lakinna tu tae’ tattanna.

KATASSURAN 12:22

Alami tu supa sangpori, otonni tama to’ rara lan pindan, tedokki tu rara iato lan mai pindan lako ampang daona lu sia lako to da’dua patongkon ba’ba, na iatu kamunna, moi misa’ da mitassu’ len lan mai ba’ba banuammi sae lako masiangna.

PA’PUDIAN 51:7

Pada ditibussanammo’ kakadakean, sia pada natambukna’ kasalan mendadiangku.

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

IBRANI 1:1

Iatonna mangkamo ma’kada tu Puang Matua tonna dolo-dolona lako nene’ to dolota tu ba’tu pempiran-piran nalaoan nabi-nabi sia ma’rupa-rupa lalan Napake dio randan pudukna nabi-nabi,

IBRANI 9:13

Belanna iake rara bembe’ laki sia tedong laki sia au anak tedong birang dipi’pikan to maruttak umpamaseroi, naurunganni umbasei batang kale a’gan salianna,

IBRANI 9:18

Iamoto anna dibassei rara tu basse bunga’na.

IBRANI 10:22

Melo ke tapengkareke’i naturu’ penaa lambu’ sia kapatonganan kalebu, anna dipi’pikki tu penaanta, naurungan masero pindanmo dio mai pa’inaan kadake, sia iatu batang kaleta dibasei uai malino.