IBRANI 8:8 - Sura' Madatu

⁸ Belanna Nasayu tu mai tau iato Nama’kada Nakua: Kilalai, la sae tu allona dako’ kadanNa Puang, la umpadenNa’ basse ba’ru lako mintu’ to lan banuanna Israel sia mintu’ to lan banuanna Yehuda.

IBRANI 8:8 Referans Kwoze

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

YEREMIA 32:40

Sia la untananNa’ basse matontongan sola tau iato mai, kumua tae’ Kula toyang dio mai kalena umpogauranni melo sia la Kupalan penaanna tu kamengkaolan lako Kaleku, kumua damo natoyang tu tau iato dio mai Kaleku.

IBRANI 9:15

Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.

2 KORINTUS 3:6

Ia dukamo umpamanarangkan mendadi to ma’kamayana basse ba’ru, tae’ duka na diona sura’, sangadinna diona Penaa, belanna iatu sura’ ma’pamate, apa iatu Penaa ma’patuo.

1 KORINTUS 11:25

Susi dukato tu irusan tonna mangka kumande, Nakuami: Iate irusan iate iamo irusan titanan basse ba’ru lan raraKu. Pogau’mi te minii umpengkilalaiNa’, ke miiru’oi.

LUKAS 22:20

Susi dukato tonna mangkamo kumande, Naalami tu irusan, Nakua: Iate irusan iate iamo irusan titanan basse ba’ru lan raraKu tu dipato’do belanna kamu.

YEHEZKIEL 37:26

La untananNa’ misa’ basse kasikaeloan sola tau iato mai, anna dadi misa’ basse tontong sae lakona; sia la Kukamasean misa’ inan sia la Kupopemba’ka’ na iatu inan maindanKu la Kupatontong bendan lan lu tangngana sae lakona.

YEREMIA 31:38

Tonganna la sae tu allona, kadanNa PUANG, kumua iate kota iate la dipabendanan PUANG randuk dio mai menara Hananeel sae lako Babangan tetuk.

YESAYA 55:3

Tananni talinga, maikomi perangii, anna tuo tu deatammi; la untananNa’ basse matontongan lako kalemi; mintu’ tanda pa’kamasean tang tilelukKu lako Daud.

MARKUS 14:24

Nakuami ungkuanni: Iamote tu raraKu, tu rara titanan basse, dipato’do belanna buda tau.

YEREMIA 31:27

Tonganna la sae tu allona, kadanNa PUANG, ke Kuambo’imi bati’ torro tolino sia bati’ patuoan tu tondok to Israel sia iatu tondok to Yehuda.

YEREMIA 30:3

Belanna tonganna la sae tu allona, kadanNa PUANG, ke Kupopembalii tu toto’na taungKu Israel sia Yehuda, kadanNa PUANG, sia umpasulei tu tau iato mai tama tondok, tu mangka Kukamasean nene’ to dolona, kumua anna pomana’i.

YEREMIA 23:7

Iamoto, manassa la sae tu allona, kadanNa PUANG, ke tae’mi nakuai tau: La lelukraka tuoNa PUANG tu ussolan to Israel lan mai tondok Mesir,

YEREMIA 23:5

Tonganna la sae tu allona, kadanNa PUANG, ke Kupatuoanni Daud tu misa’ Taruk malambu’; Iamo la ma’parenta susi datu sia la lolang kinaa sia umpalalo salunna sia kamaloloan lan tu tondok.

LUKAS 17:22

Pakalan Nakuami lako anak gurunNa: Manassa la sae tu allona, ke mikailui la untiroi sangallo tu alloNa Anak rampan dilino, anna tae’ mila untiroi.

MATIUS 26:28

Belanna iamote tu raraKu, rara titanan basse ba’ru, tu dipato’do belanna buda tau, napotete kadipa’deian kasalan.

PA’TOLE 29:14

Tangia kamu manna tu Kusisolan untananni te basse sia iate pangallu’ dipabantang tete dio pa’tampak ropu,

IBRANI 7:22

Susi dukamo Ia mendadi bassean ulangna basse mandu melo.

IBRANI 8:6

Apa totemo te Naappa’mo Yesu tu misa’ pentoean mandu mala’bi’ sitinaya kamendadianNa Toparitangngana basse mandu melo, tu diarra’i lan mintu’ pangallu’ mandu melo.

IBRANI 8:13

Diona ussa’bu’ basse ba’ru Nasangamo malusa tu bunga’na; iatu apa malusamo sia matuamo sattu’mora napa’de.

LUKAS 5:38

sangadinna iatu anggoro’ ba’ru sipatu dipatama kiriba’ ba’ru.